Партыя БНФ » Рэгiёны
Партыя БНФ - партыя абароны народных інтарэсаў


Аблвыканкам: пазбяганне сустрэч кіраўніцтва са смаргонцамі па месцы іх жыхарства адпавядае графіку

На сайце Гарадзенскага аблвыканкама размешчаны графік прыёму грамадзян па месцы жыхарства кіраўніком і яго намеснікамі ў 2017 годзе. Пры гэтым такі невялікі райцэнтр, як Дзятлава, кіраўніцтва наведае аж 4 разы, Шчучын і Ваўкавыск – па 3, шэраг іншых – па 2. У той жа час смаргонцы ўвогуле пазбаўлены магчымасці ў гэтым годзе па месцы жыхарства падзяліцца сваімі праблемамі з кіроўным складам аблвыканкама, бо графік не прадугледжвае выязнога прыёму.

Пайшоў з жыцьця сябра БНФ Міхась Паўлаў, віцебскі краязнаўца

Сыход Міхася Паўлава стаў шокам для ўсіх, хто яго ведаў. Гэта была знакавая фігура Віцебску — гораду, для якога ён зрабіў вельмі шмат.

Гарадзенскі гарвыканкам забараніў правядзеньне народнага сходу 26 красавіка

Гарадзенскі выканаўчы камітэт адмовіў старшыні гарадзенскай арганізацыі Партыі БНФ Вадзіму Саранчукову і дэмакратычным актывістам Анатолю Мышкевічу ды Сяргею Верамеенку ў правядзенні масавага мерапрыемства 26 красавіка ў выглядзе сходу грамадзян.

У Слоніме ўлады запрасілі грамадзкіх актывістаў на круглы стол

Улады Слоніму запрашаюць да дыялогу прадстаўнікоў дэмакратычных сілаў. Ужо 19 красавіка мае адбыцца адмысловы круглы стол у памяшканні райвыканкаму. Крок нечаканы – асабліва на фоне агульнага пераследу за грамадскую актыўнасць і масавыя рэпрэсіі супраць усіх нязгодных.

Гарадзенскі абласны суд адхіліў скаргі асуджаных пратэстоўцаў

10 красавіка 2017 г., у Гарадзенскім абласным судзе прадоўжыўся разгляд скаргаў на рашэнні суда Ленінскага раёна Гародні дэмакратычных актывістаў Вадзіма Саранчукова, Мікалая Саляніка, Вольгі Верамеенкі і Галіны Ламашэвіч.

Зварот жыхароў Слоніма аб наданьні адной з вуліц горада імя Івана Шэгі перададзены ў тапанімічную камісію

Кіраўнік слонімскай суполкі БНФ Павел Севасцьян атрымаў адказ са Слонімскага раённага Савета дэпутатаў за подпісам старшыні Сяргея Рагозіка на калектыўны зварот слонімцаў аб наданні адной з новых вуліц імя грамадскага актывіста і доктара Івана Шэгі (1953-2016) са Слоніма.

У Берасьці апазыцыйнымі партыямі пададзеная заяўка на правядзеньне 1 траўня мітынгу ў цэнтры горада

Старшыня Берасьцейскай абласной арганізацыі Партыі БНФ Зьміцер Шыманскі разам з мясцовымі кіраўнікамі БСДП (Грамада) і АГП падаў заяўку на правядзеньне 1 траўня ў Берасьці дэманстрацыі і мітынгу. Адна з тэмаў заплянаванага мерапрыемства – пратэст супраць дэкрэту №3.

У Оршы аштрафавалі сябру Сойму Партыі БНФ Ігара Казьмерчака

Ігар Казьмярчак атрымаў штраф 25 базавых велічынь (575 рублёў) за ўдзел у «маршы недармаедаў» у Воршы 12 сакавіка. Ігар Казьмярчак узначальвае аршанскі рэгіянальны партал Оrsha.eu і з’яўляецца сябрам Сойму Партыі БНФ.

У доме Чарнавусаў у Баранавічах – ператрус, забралі аргтэхніку

Некалькі міліцыянтаў 5 красавіка ладзілі ператрус у доме баранавіцкіх актывістаў бацькі і сына Мікалаяў Чарнавусаў, якія належаць да Партыі БНФ і Аб’яднанай грамадзянскай партыі. У выніку з дому вынесьлі кампутары і пляншэт.

 

Жнівень 2017
Пн Аў Сер Чц Пт Сб Ндз
« Ліп    
 123456
78910111213
14151617181920
21222324252627
28293031  
© 2011 - 2017 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.