Партыя БНФ » Навiны
Партыя БНФ - партыя абароны народных інтарэсаў


У Берасьці абмяркуюць пагрозы інфармацыйнай бясьпецы Беларусі

У гэтую нядзелю, 21 ліпеня ў Берасьці пройдзе круглы стол “Інфармацыйная бяспека Беларусі: асноўныя пагрозы і найважнейшыя крокі дзеля іх прадухілення”.

Збор грашовых ахвяраваньняў у падтрымку Сядзібы БНФ

Сядзібе БНФ патрэбная Вашая падтрымка: адзіны офіс пад бел-чырвона-белым сьцягам абвесьціў збор ахвяраваньняў. Пералічыць грошы на аплату арэнды Сядзібы БНФ можна праз сыстэму “Разлік” (АРІП) / “Расчет” (ЕРИП), простым банкаўскім пералічэньнем, альбо наяўнымі ахвяраваньнямі ў самой сядзібе.

Вынікі чэрвеньскага Сойму Партыі БНФ і ГА БНФ “Адраджэньне”

29 чэрвеня ў цэнтральнай сядзібе БНФ у Менску адбыўся чарговы Сойм Партыі БНФ і грамадзкага аб’яднаньня БНФ “Адраджэньне”. На чэрвеньскім пасяджэньні кіруючага органа партыі і руху былі разгледжаныя пытаньні, датычныя бягучай палітычнай сытуцыі, а таксама падрыхтоўцы Фронту да бліжэйшых палітычных кампаніяў. Сойм Партыі БНФ прыняў рашэньне пра скліканьне ў верасьні пазачаговага ХIХ Зьезду Партыі БНФ для вылучэньня кандыдатаў у дэпутаты на маючыя адбыцца ў лістападзе парлямэнцкія выбары.

Год “малой радзімы”: Хто забрудзіў радзіму мастака Бялыніцкага-Бірулі?

Старшыня Партыі БНФ Рыгор Кастусёў у сваім блогавым допісе на сайце “Naviny.by. Белорусские новости” выказвае занепакоенасьць становішчам на месцы фальварку “Крынкі”, дзе на малой радзіме слыннага беларускага мастака Вітольда-Бялыніцкага Бірулі штогод адбываецца мастацкі плэнэр. Цяпер вакол гэтых мясцінаў пануе безгаспадарчасьць, занядбанасьць і пустазельле.

Зьмены ў законы пра НДА і партыі не ўлічваюць інтарэсаў грамадзкасьці

Міністэрствам юстыцыі вынесены на грамадзкае абмеркаваньне праект зьменаў у законы “Аб грамадзкіх аб’яднаньнях” і “Аб палітычных партыях”. У законапраекце прадугледжанае ўнясеньне істотных зьменаў, датычных умоваў стварэньня і дзейнасьці грамадзкіх аб’яднаньняў і палітычных партыяў. На абмеркаваньне выносяцца як раней анансаваныя міністэрствам зьмены (падача дакументаў на рэгістрацыю партый і аб’яднаньняў анлайн, увядзеньне абавязку публікаваць да 1 сакавіка фінансавую справаздачу), так і некаторыя іншыя новаўвядзеньні.

Супольная пазыцыя дэмакратычных партый і рухаў па Астравецкай АЭС

6-7 чэрвеня ў літоўскім Вісагінасе адбылася канфэрэнцыя па пытаньні развіцьця атамнай энэргетыкі. Па выніках абмеркаваньня дэмакратычныя партыі і рухі Беларусі сфармулявалі супольную пазыцыю па недапушчальнасьці запуску ў Беларусі расейскай АЭС у Астраўцы. Дакумент падпісаў старшыня Партыі БНФ Рыгор Кастусёў, а таксама кіраўнікі Аб’яднанай грамадзянскай партыі, БСДП (Грамады), руху “За Свабоду”, Беларускай хрысціянскай дэмакратыі, партыі Зялёныя, ініцыятывы “Наш Дом” і аргкамітэту партыі жанчын “Надзея”.

Парламент ухіляецца ад папярэджання фальсіфікацый выбараў

Сябра Сойму Партыі БНФ, праваабаронца са Смаргоні Алесь Дзергачоў звярнуўся ў Палату прадстаўнікоў з прапановай унесці змены ў Выбарчы кодэкс, аднак у ніжняй палаце парламенту вырашылі папросту пакінуць яе без разгляду.

Ахвяраваньні для БНФ цяпер можна ўносіць праз сыстэму “Разлік” (ЕРИП)

Грамадзкае аб’яднаньне БНФ “Адраджэньне” падлучылася да сыстэмы “Разлік” (АРІП) / “Расчет” (ЕРИП), што спрашчае дзеяньні ахвярадаўцаў пры пералічэньні грошаў на падтрымку статутнай дзейнасьці грамадзкага аб’яднаньня.

Актывісты БНФ ўсталявалі дзьве стэлі паўстанцам 1863-1864 гадоў

Актывісты БНФ ды іншых мясцовых патрыятычных суполак на Гарадзеншчыне і Берасьцейшчыне ўсталявалі яшчэ дзьве стэлі паўстанцам 1863-1864 гадоў.

 

Ліпень 2019
Пн Аў Сер Чц Пт Сб Ндз
« Чэр    
1234567
891011121314
15161718192021
22232425262728
293031  
© 2011 - 2019 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.