Рыгор Кастусёў камэнтуе ўльтыматум Масквы на перамовах па нафце і газу

Старшыня Партыі БНФ Рыгор Кастусёў пракамэнтаваў заявы расейскіх чыноўнікаў пра неабходнасьць далейшай здачы сувэрэнітэту Беларусі ў абмен на прадстаўленьне кампэнсацыі ад стратаў у выніку расейскага “падаткавага манёўра” у нафтавай галіне. “Гранічная шчырасць крамлёўцаў – яна карысная, таму што пазбаўляе сітуацыю ад паўтонаў, а ставіць пытанне рубам. Імперская палітыка Крамля тут праяўляецца ў найбольш красамоўным выглядзе, і эфект тут можа быць адваротны, і нават пазітыўны для будучыні Беларусі. Пры такіх заявах маскоўскіх гаспадароў і Лукашэнка, і ягоныя падначаленыя, робяцца пастаўленыя перад выбарам самаідэнтыфікацыі” – заявіў Рыгор Кастусёў у сваім Фэйсбуку.