|
Навіны ад 10.08.2022
У Мінскім абласным судзе з 29 ліпеня ў выязным пасяджэнні працягваецца суд па “справе аб змове з мэтай захопу дзяржаўнай улады”. На лаве падсудных знаходзяцца палітзняволеныя палітолаг і літаратуразнаўца Аляксандр Фядута, кіраўнік партыі БНФ Рыгор Кастусёў, сябра БНФ і супрацоўніца мінскага офісу Зянковіча Вольга Галубовіч, актывіст і дальнабойшчык Дзяніс Краўчук, а таксама юрыст ды сябра БНФ Юры Зянковіч, якія ўтрымліваюцца за кратамі больш за 15 месяцаў. Судовы працэс у адкрытым рэжыме вядзе суддзя Уладзімір Арэшка, дзяржабвінавачванне падтрымлівае Міхаіл Кавалёў. На судзе зачыталі ўсім абвінавачванні: Аляксандр Фядута прызнаў віну часткова, а Рыгор Кастусёў — не прызнаў, Краўчук, Галубовіч, Зянковіч — прызналі віну цалкам.
Пінскага правабаронцу і сябра БНФ Алеся Рамановіча пасля затрымання пазбавілі апякунства над хворым братам.
У першую чаргу ў Воршы ён вядомы як журналіст, а таксама як грамадскі і палітычны актывіст БНФ, праваабаронца, краязнаўца, прадпрымальнік і проста закаханы ва ўласны горад аршанец. Пра пачатак журналісцкай дзейнасці, калекцыю крымінальных справаў і жыццё ў эміграцыі распапвядае галоўны рэдактар аршанскага гарадскога партала Ігар Казмерчак.
|
