Партыя БНФ
Партыя БНФ - партыя абароны народных інтарэсаў
Заява БНФ ды іншых партыяў і рухаў з нагоды зменаў у закон пра партыі

лагатыпы партыяў logo adsНагодай для звароту стала распрацоўка міністэрствам юстыцыі зменаў і дапаўненняў да дзеючага закону “Аб палітычных партыях”. У заяве партыі выкладаюць, якія менавіта змены ў гэтым законе  маглі б спрыяць рэальнай дэмакратызацыі палітычнага жыцця ў Беларусі на  карысць беларускага народу.

“Мы, прадстаўнікі палітычных партый, аргкамітэтатаў па стварэнні палітычных партый і іншых грамадскіх арганізацый лічым, што палітычныя партыі ў сучасных умовах павінны адыгрываць вядучую ролю ў палітычным жыцці Беларусі і выражаць волю грамадзян у рашэнні дзяржаўных пытанняў, — гаворыцца ў дакуменце. — Мы канстатуем, што ў Рэспубліцы Беларусь склалася негатыўная практыка абмежавання дзейнасці партый, якая выражаецца ў стварэнні неабгрунтаваных перашкодаў для рэгістрацыі новых палітычных партый, для развіцця арганізацыйных структур ужо існуючых партый, а таксама абмежаванняў доступа да СМІ і да крыніц фінансавання. Пры гэтым назіраецца няроўнае стаўленне ўлады да палітычных партый у залежнасці ад іх лаяльнасці ў адносінах да дзеючай ўлады.

У сувязі з тым, што распачаўся працэс зменаў і дапаўненняў у Закон Рэспублікі Беларусь “Аб палітычных партыях” патрабуем замацаваць у новай рэдакцыі закона прынцыпова важныя змены:

  • Спрасціць парадак рэгістрацыі палітычных партый, скараціць колькасць заснавальнікаў, увесці паведамляльны прынцып пастаноўкі на ўлік іх арганізацыйных структур;
  • Забяспечыць дзяржаўнае фінансаванне статутнай дзейнасці палітычных партый, а таксама спрыяць прадастаўленню памяшканняў з фонда рэспубліканскай і камунальнай уласнасці для выканання імі дзейнасці ў статутных мэтах;
  • Абавязаць дзяржаўныя органы і органы самакіравання прадаставіць роўныя магчымасці для дзейнасці ўсіх палітычных партый, у тым ліку гарантаваць ім права доступу да дзяржаўнага тэлебачання, газет і радыё.

Мы заяўляем, што без ўліку і рэалізацыі гэтых прапаноў, папраўкі ў закон будуць насіць касметычны, фармальны характар і не будуць спрыяць далейшаму развіццю палітычнай сістэмы Беларусі”.

Дакумент падпісалі старшыня Беларускай сацыял-дэмакратычнай партыі (Грамады) Ігар Барысаў, старшыня аргкамітэта па стварэнні Беларускай партыі працоўных Аляксандр Бухвостаў, старшыня ПАГА “Рух “За Свабоду” Юрый Губарэвіч, выконваючы абавязкі  старшыні Аб’яднанай Грамадзянскай партыі Мікалай Казлоў, старшыня Беларускай партыі левыя (Справядлівы свет) Сяргей Калякін, старшыня Міжнароднага Цэнтра Грамадзянскіх Ініцыятыў Вольга Карач, старшыня Партыі БНФ і ГА БНФ “Адраджэньне” Рыгор Кастусёў, першы намеснік старшыні Беларускай партыі “Зялёныя” Дзмітрый Кучук, старшыня аргкамітэту па стварэнні Партыі свабоды і прагрэса Уладзімір Навасяд, сустаршыня аргкамітэта па стварэнні партыі Беларуская Хрысціянская Дэмакратыя Віталь Рымашэўскі, старшыня аргкамітэта па стварэнні Беларускай партыі жанчын “Надзея” Алена Яськова.

Нагадаем, што напачатку распрацоўкі міністэрствам юстыцыі новага законапраекта партыі накіравалі распрацоўшчыкам свае прапановы што да зместу меркаваных зменаў. Супольныя прапановы ад групы беларускіх палітычных партыяў і рухаў былі пададзеныя ў рабочую групу, што была створаная Міністэрствам юстыцыі. Разам з Партыяй БНФ да гэтай супольнай пазыцыі далучаныя БСДП (Грамада), АГП, партыя левых “Справядлівы мір”, партыя “Зялёныя”, прадстаўнікі аргкамітэта БХД ды іншых дэмакратычных аб’яднаньняў.

Ніжэй заява апазыцыйных партыяў і рухаў падаецца ў поўным выглядзе:

ЗА ЛІБЕРАЛІЗАЦЫЮ ЎМОЎ ДЗЕЙНАСЦІ ПАЛІТЫЧНЫХ ПАРТЫЙ

Заява прадстаўнікоў палітычных партый, аргкамітэтаў па стварэнні палітычных партый і іншых грамадскіх аб’яднанняў

Мы, прадстаўнікі палітычных партый, аргкамітэтатаў па стварэнні палітычных партый і іншых грамадскіх арганізацый лічым, што палітычныя партыі ў сучасных умовах павінны адыгрываць вядучую ролю ў палітычным жыцці Беларусі і выражаць волю грамадзян у рашэнні дзяржаўных пытанняў.

Мы канстатуем, што ў Рэспубліцы Беларусь склалася негатыўная практыка абмежавання дзейнасці партый, якая выражаецца ў стварэнні неабгрунтаваных перашкодаў для рэгістрацыі новых палітычных партый, для развіцця арганізацыйных структур ужо існуючых партый, а таксама абмежаванняў доступа да СМІ і да крыніц фінансавання. Пры гэтым назіраецца няроўнае стаўленне ўлады да палітычных партый у залежнасці ад іх лаяльнасці ў адносінах да дзеючай ўлады.

У сувязі з тым, што распачаўся працэс зменаў і дапаўненняў у Закон Рэспублікі Беларусь “Аб палітычных партыях” патрабуем замацаваць у новай рэдакцыі закона прынцыпова важныя змены:

1)     Спрасціць парадак рэгістрацыі палітычных партый, скараціць колькасць заснавальнікаў, увесці паведамляльны прынцып пастаноўкі на ўлік іх арганізацыйных структур;

2)     Забяспечыць дзяржаўнае фінансаванне статутнай дзейнасці палітычных партый, а таксама спрыяць прадастаўленню памяшканняў з фонда рэспубліканскай і камунальнай уласнасці для выканання імі дзейнасці ў статутных мэтах;

3)     Абавязаць дзяржаўныя органы і органы самакіравання прадаставіць роўныя магчымасці для дзейнасці ўсіх палітычных партый, у тым ліку гарантаваць ім права доступу да дзяржаўнага тэлебачання, газет і радыё.

Мы заяўляем, што без ўліку і рэалізацыі гэтых прапаноў, папраўкі ў закон будуць насіць касметычны, фармальны характар і не будуць спрыяць далейшаму развіццю палітычнай сістэмы Беларусі.

Старшыня Беларускай сацыял-дэмакратычнай партыі (Грамады) І. П. Барысаў

Старшыня аргкамітэта па стварэнні Беларускай партыі працоўных А. І. Бухвостаў

Старшыня ПАГА “Рух “За Свабоду” Ю. І. Губарэвіч

В.а. старшыні Аб’яднанай Грамадзянскай партыі М. Г. Казлоў

Старшыня Беларускай партыі левыя (Справядлівы свет) С.І. Калякін

Старшыня Міжнароднага Цэнтра Грамадзянскіх Ініцыятыў В. Я. Карач

Cтаршыня Партыі БНФ і ГА БНФ “Адраджэньне” Р.А. Кастусёў

Першы намеснік старшыні Беларускай партыі “Зялёныя” Д. Л. Кучук

Старшыня аргкамітэту па стварэнні Партыі свабоды і прагрэса У. У. Навасяд

Сустаршыня аргкамітэта па стварэнні партыі БХД В. А. Рымашэўскі

Старшыня аргкамітэта па стварэнні Беларускай партыі жанчын “Надзея” А. Яськова

Заява БНФ ды іншых партыяў і рухаў з нагоды зменаў у закон пра партыі
30 гадоў таму ў Вільні прайшоў першы Зьезд БНФ “Адраджэньне”

IMS9wEp-Vs8Радыё Свабода з нагоды слаўнага юбілею прыгадвае асноўныя вехі слаўнага фронтаўскага шляху.

Чаго дамагаліся адраджэнцы

Зьезду ў віленскім Палацы прафсаюзаў папярэднічаў Устаноўчы сход беларускага гістарычна-асьветнага таварыства памяці ахвяраў сталінізму «Мартыралёг Беларусі» 19 кастрычніка 1988 году. На ім на прапанову Зянона Пазьняка быў утвораны аргкамітэт БНФ «Адраджэньне». Прынятая тады праграмная заява дэкляравала курс на сувэрэнітэт Беларусі, дэмакратычныя рэформы, нацыянальнае адраджэньне, абарону правоў чалавека. БНФ станавіўся першай рэальнай альтэрнатывай камуністычнай партыі.

Прэзыдыюм устаноўчага зьезду БНФ

Прэзыдыюм устаноўчага зьезду БНФ

Напачатку рух БНФ уяўляў сабой аб’яднаньне нефармальных культурніцкіх суполак і грамадзянаў, якія выступалі найперш за адраджэньне беларускай мовы і культуры. Але на ўстаноўчым зьезьдзе ўжо ўздымаліся і палітычныя пытаньні. Быў ухвалены Статут, які ў разьдзеле «Сувэрэнітэт» утрымліваў патрабаваньне дакладных юрыдычных гарантый права выхаду Беларусі са складу СССР, вяршэнства законаў БССР на яе тэрыторыі, рэальнага сувэрэнітэту як найважнейшай умовы існаваньня нацыі.

Афармленьне залі зьезду

Афармленьне залі зьезду

Іншыя разьдзелы — «Дэмакратыя. Правы чалавека», «Эканоміка», «Сацыяльная справядлівасьць», «Ахова здароўя», «Экалёгія», «Нацыянальнае пытаньне», «Мова», «Культура», «Адукацыя і навука», «Рэлігія і грамадзтва», «Этыка і маральнасьць». Таксама зьезд прыняў ухвалы «Аб пераадоленьні вынікаў Чарнобыльскай катастрофы», «Аб палітычным плюралізьме», «Аб беларускай нацыянальнай сымболіцы», «Аб дзяржаўнасьці беларускай мовы» ды інш.

Дэмакратычны трыюмф Пазьняка

Зянон Пазьняк каля будынка, дзе праходзіў зьезд

Зянон Пазьняк каля будынка, дзе праходзіў зьезд

На пасаду старшыні Сойму БНФ абсалютнай бальшынёй галасоў быў абраны Зянон Пазьняк, аўтарытэт якога тады быў бясспрэчны. Яго намесьнікамі сталі Юрась Хадыка і Міхась Ткачоў.

За год да таго ў газэце «Літаратура і мастацтва» зьявіўся артыкул Зянона Пазьняка і Яўгена Шмыгалёва пра масавыя расстрэлы ва ўрочышчы Курапаты. Гэта ўзрушыла грамадзтва, адбыліся мітынгі, улада была вымушаная стварыць урадавую камісію па расьсьледаваньні расстрэлаў у Курапатах.

Дэлегатам зьезду быў археоляг Мікола Крывальцэвіч — адзін з заснавальнікаў «Мартыралёгу Беларусі», удзельнік раскопак у Курапатах, навуковы экспэрт па эксгумацыі масавых пахаваньняў.

«Непазьбежнасьць зьменаў адчувалася ўсю другую палову 1980-х, у так званую гарбачоўскую эпоху, — кажа ён. — Плюс фактар таго, што адбылося ў Польшчы з узьнікненьнем руху „Салідарнасьці“. Ну і, безумоўна, трагічныя падзеі ў Чарнобылі, адкрыцьцё Курапатаў — усё гэта былі прыступкі да разуменьня таго, што ідзе кансалідацыя ў грамадзтве. Нездарма на гэтай хвалі ўзьнікае ўвесь дэмакратычны рух, які групаваўся вакол БНФ. Таму тое, што адбылося ў чэрвені 1989-га ў Вільні, — заканамерны вынік і пачатак новага этапу дэмакратызацыі Беларусі».

Другі зьлева на здымку — Зянон Пазьняк, леваруч ад яго Міхась Ткачоў і Юрась Хадыка

Другі зьлева на здымку — Зянон Пазьняк, леваруч ад яго Міхась Ткачоў і Юрась Хадыка

Грамадзкая хваля падтрымкі

Грамадзкая актыўнасьць давала пра сябе знаць цягам усяго 1989 году. 19 лютага аргкамітэт БНФ наладзіў першы апазыцыйны мітынг у Беларусі пад нацыянальнымі сьцягамі на менскім стадыёне «Дынама». Сорак тысяч яго ўдзельнікаў прынялі рэзалюцыю, якая патрабавала скасаваць замацаваную ў Канстытуцыі кіроўную ролю кампартыі. У тым жа годзе шэраг дэмакратычных кандыдатаў пры падтрымцы БНФ абіраюцца ў Вярхоўны Савет СССР.

Наступным крокам сталі выбары ў прадстаўнічыя органы ўлады БССР. Вынікам стала зьяўленьне ў парлямэнце фракцыі БНФ — 27 з 345 дэпутатаў. Гэтыя людзі склалі ядро дэмакратычнай апазыцыі, ініцыяваўшы прыняцьцё Дэклярацыі аб сувэрэнітэце і ўрэшце абвяшчэньне незалежнасьці Беларусі, правядзеньне палітычных і эканамічных рэформаў, вяртаньне беларускай гістарычнай сымболікі.

Аднак ня ўсе палітычныя эліты былі ў захапленьні ад пераразьмеркаваньня сілаў. Так, у 1992 годзе ўлады праігнаравалі ініцыяваную БНФ кампанію за датэрміновыя выбары новага Вярхоўнага Савету: нягледзячы на сабраныя 450 000 подпісаў грамадзян, кіраўніцтва парлямэнту адмовілася прыняць адпаведную пастанову.

З абраньнем на прэзыдэнцкую пасаду Аляксандра Лукашэнкі палітычная сытуацыя ўскладнілася. У 1995 годзе ў Вярхоўны Савет 13 скліканьня ня трапіў ніводзін кандыдат ад БНФ.

Эміграцыя лідэра і раскол БНФ

У 1996 годзе Зянон Пазьняк зьехаў зь Беларусі, спасылаючыся на пагрозу ягонаму жыцьцю. Намінальна ён застаўся кіраўніком БНФ, выканаўцам абавязкаў у Беларусі стаў Лявон Баршчэўскі. У наступныя некалькі гадоў рознасьць поглядаў унутры фронтаўскага руху перарасла ў раскол.

Яшчэ ў 1993 годзе была заснаваная Партыя БНФ, якая мелася ўзяць на сябе палітычныя функцыі і актыўна дзейнічаць падчас выбарчых кампаніяў. А культурніцкія, асьветніцкія функцыі засталіся за БНФ «Адраджэньне».

У 1999-м Соймы БНФ і Партыі БНФ яшчэ спрабавалі ўратаваць адзінства, аднак гэтага не атрымалася. Фронт падзяліўся на дзьве партыі. Адну ўзначаліў Зянон Пазьняк, другую — Вінцук Вячорка.

Дэпутат Вярхоўнага Савету 12 скліканьня, сябра фракцыі БНФ Лявонці Зданевіч не хавае жалю, што магутны патэнцыял быў скарыстаны не напоўніцу. Аднак лічыць, што гэта аб’ектыўны працэс.

«Калі няма сур’ёзных зрухаў у тых жа выбарчых кампаніях, крызіс непазьбежны. Як вынік, зьмена лідэраў і г.д. Асабіста мне не падабалася тое, што было зроблена, але кажу пра аб’ектыўнасьць працэсаў. Уявіце, як людзям цяжка (асабліва што тычыцца актывістаў на пэрыфэрыі), столькі гадоў без станоўчых вынікаў. Такім вынікам я назваў бы хоць якую магчымасьць уплываць на сытуацыю, а не рабіцца маргінальнай структурай. Так, галоўная праблема — умовы, у якіх мы жывём. Але ёсьць і віна кіраўніцтва, якое з улікам абставінаў мусіць мяняць тактыку і стратэгію дзеяньняў».

Сёньня на палітычнай сцэне Беларусі існуюць дзьве палітычныя сілы, якія лічаць сябе правапераемнікамі фронтаўскіх традыцый — Партыя БНФ на чале з Рыгорам Кастусёвым (пры ёй дзейнічае моладзевая арганізацыя «Моладзь БНФ») і Кансэрватыўна-хрысьціянская партыя БНФ, якую ўзначальвае Зянон Пазьняк.

Здымкі ў матэрыяле — з грамадзкага вэб-архіву «Вытокі». Больш фатаздымкаў – у адмысловым альбоме на партыйным акаўнце ў сацыяльнай сетцы Фэйсбук, альбом з матэрыяламі зьезду даступны тут.

30 гадоў таму ў Вільні прайшоў першы Зьезд БНФ "Адраджэньне"
Стала вядома, хто вінаваты ў забруджваньні Дзітвы, прытока Нёмана

Пра гэта паведамляе “Новы Час” са спасылкай на беларускі партал tut.by.

mor_ryby_ditva_grodno_2019_1

Зараз спецыялісты разлічваюць кошт шкоды, нанесенай прыродзе. Таксама прадпрыемству пагражае штраф да 500 базавых велічынь, распавялі TUT. BY ў аддзеле кантролю за аховай і выкарыстаннем атмасфернага паветра і водных рэсурсаў Гродзенскага абласнога камітэта прыродных рэсурсаў і аховы навакольнага асяроддзя.

— Былі ўзятыя пробы вады. Насупраць ачышчальных збудаванняў Лідскага ЖКГ зафіксавана перавышэнне параметраў па пяці паказчыках, — распавялі спецыялісты прыродааховы.

Нагадаем, у рацэ Дзітва, якая з’яўляецца прытокам Нёмана, другі год запар гіне рыба. Людзі скардзяцца на выкіды лідскіх ачышчальных збудаванняў, у ЖКГ горада ж запэўніваюць, што яны не вінаватыя. Рака Дзітва працякае каля дачнага пасёлка ў Доржы і вёскі Канюшаны. Зараз, па словах дачнікаў, вада ў вадаёме цёмнага шэра-карычневага колеру і вельмі непрыемна пахне. Грамадскія актывісты абследавалі тэрыторыю вадаёма і знайшлі трубу, з якой льецца брудная вада. Яны знялі тое, што адбываецца на відэа. А ў панядзелак выйшлі з плакатам да райвыканкаму.

Мы выйшлі да райвыканкама для таго, каб прыцягнуць ўвагу да экалагічнай катастрофы ў рацэ Дзітве. І нагадаць людзям, што такая сітуацыя з ракой — гэта проста непрымальна. Мы шчыра спадзяваліся, што усё неяк выправіцца, аднак з той трубы як ліўся, так і льецца смурод. Каля райвыканкама мы прабылі столькі часу, каб не быць затрыманымі, бо мэта — прыцягнуць увагу да праблемы, — казаў жыхар Бырозаўкі, сябра Сойму БНФ Вітольд Ашурак. Прыцягнуць увагу да экалагічнай катастрофы паспрабаваў і гродзенскі гісторык Мечыслаў Супрон, які выйшаў на Стары мост у Гродна з плакатам «Нёман атручаны Лідскім ЖКГ».

Першапачаткова спецыялісты прыродааховы і Лідскага ЖКГ казалі пра тое, што мор рыбы адбыўся, як і раней, з-за гарачага надвор’я. Па словах эколагаў, гарачае надвор’е, вядома, таксама паўплывала на сітуацыю ў рацэ не ў лепшы бок — паводле вынікаў аналізаў, узровень кіслароду ў рацэ быў вельмі нізкім, і гэта магло быць выклікана высокімі тэмпературамі.

Міжтым, гарадзенскі гісторык Мечыслаў Супрон быў выкліканы ў міліцыю за акцыю, якую ён правёў 18 чэрвеня ў цэнтры Гародні супраць забруджвання Дзітвы. А актывістаў Партыі БНФ Вітольда Ашурка і Сяргея Пантуса 20 чэрвеня Лідскі раённы суд аштрафаваў на 255 рублёў (10 базавых велічыняў) за пікет ля райвыканкама з плакатам «Мёртвая Дзітва», які быў прымеркаваны да праблемы забруджвання пыртока Нёмана.

Стала вядома, хто вінаваты ў забруджваньні Дзітвы, прытока Нёмана
Збор грашовых ахвяраваньняў у падтрымку Сядзібы БНФ

Сядзіба БНФ, адна са старэйшых незалежных пляцовак грамадзкага жыцьця ў Менску, абвяшчае збор грошаў для аплаты арэнды памяшканьня. На аплату арэнды трэба сабраць 28 000 рублёў – інакш ўлады пагражаюць скасаваньнем дамовы арэнды.

Апошнія сем гадоў Сядзіба БНФ размяшчаецца па вуліцы Чарнышэўскага, 3 – сюды яна пераехала пасьля таго, як улады выціснулі партыю з гістарычнага будынку на вуліцы Варвашэні (праспэкт Машэрава). Дамову арэнды скасавалі падчас правядзеньня на Сядзібе маштабнага збору грашовай і рэчавай дапамогі людзям, што былі арыштаваныя на Плошчы-2010: гэта была помста ўладаў за кампанію народнай салідарнасьці – і дзякуючы народнай падтрымцы Сядзіба аднавіла працу на новым адрасе.

Цяпер самой Сядзібе БНФ патрэбная дапамога. У адрозьненьне ад праўладных партыяў, мы не маем ані ільготных ставак арэнды (якія ўлады далі ГА “Белая Русь” і камуністычнай партыі), ані шматмільённых датацыяў з дзяржбюджэту (якія ўлады даюць БРСМ).

Сядзіба БНФ як незалежная пляцоўка існуе выключна дзякуючы ахвяраваньням людзей.

Штогод дзесяткі арганізацыў ладзяць у памяшканьні Сядзібы БНФ культурніцкія, маладзёвыя, дабрачынныя мерапрыемствы – тут адбываюцца канцэрты (у тым ліку гэта пляцоўка для творчых сустрэчаў з музыкамі, якія трапляюць у “чорныя сьпісы”), выставы, дыскусійныя клюбы, прэс-канфэрэнцыі. Пляцоўка адкрытыя не толькі для мерапрыемстваў БНФ: у памяшканьні Сядзібы  адбываліся зьезды і сходы дэмакратычных партыяў і рухаў рознай скіраванасьці.

У часы павелічэньня рэпрэсіяў памяшканьне Сядзібы БНФ застаецца адзіным месцам, дзе незалежная грамадзкасьць можа вольна праводзіць свае імпрэзы.

davБудынак сядзібы БНФ на Чарнышэўскага, 3 цяпер ёсьць адзіным у Менску, дзе лунае нацыянальны бел-чырвона-белы сьцяг. Але без грашовай падтрымкі людзей гэтае месца можа зачыніцца.

Мы заклікаем ўсіх беларусаў дапамагчы грашовымі ахвяраваньнямі на працяг арэнды Сядзібы БНФ і ліквідацыю наяўных запазычанасьцяў па арэндзе памяшканьня.

Пералічаць сродкі для аплаты сядзібы БНФ можа любы грамадзянін Беларусі.

Шчыры дзякуй за Вашыя ахвяраваньні! Жыве Беларусь!

—————————————————————————————————————————

Ахвяраваньні для аплаты Сядзібы БНФ можна зьдзейсьніць адным з трох шляхоў:

1. Ахвяраваньні праз сыстэму “Разлік” (АРІП) / “Расчет” (ЕРИП).

logo-raschetПералічыць грошы праз сыстэму Разлік (АРІП)/“Расчет” (ЕРИП) у любым банку,  праз інтэрнэт-банкінг, мабільны банкінг, інфакіёск, у банкамаце і г.д. Зьдзейсьніць аплату можна з  выкарыстаньнем наяўных ці электронных грошаў, банкаўскіх плацёжных картак.

ахвяраваньні - еріпРэквізіты для пералічэньня ахвяраваньняў можна знайсьці на сайце https://raschet.by/ -  у графе пошуку паслугаў набірайце БНФ, ці код паслугі 4431691

ДЛЯ ПРАВЯДЗЕННЯ ПЛАЦЯЖУ ПРАЗ ЕРИП ТРЭБА:

Выбраць:

•Пункт “Сістэма” Разлік “(АРІП) / “Система “Расчет” (ЕРИП)

• общественные объединения/грамадскія аб’яднанні –

• прочие общественные объединения/іншыя грамадскія аб’днанні

• БНФ “Адраджэньне”

• БНФ “Адраджэньне” – код паслугі 4431691

Для аплаты ўвесьці прозьвішча, імя, імя па бацьку

Праверыць карэктнасьць інфармацыі і зьдзейсьніць плацёж.

Калі Вы ахвяруеце праз касу банка, калі ласка, паведміце касіру аб неабходнасьці правядзеньня плацяжу праз сыстэму “Разьлік” (АРІП) / “Расчет” (ЕРИП).

2. Ахвяраваньні праз банкаўскі рахунак

Ахвяраваньні для аплаты Сядзібы можна пералічаць і наўпрост на рахунак Грамадзкага аб’яднаньня БНФ “Адраджэньне”

Рэквізыты:

ГРАМАДЗКАЕ АБ’ЯДНАНЬНЕ БНФ “АДРАДЖЭНЬНЕ”

ААТ “Банк БелВЭБ” г. Мінск Мінскае аддзяленне №2

BIC SWIFT: BELBBY2X

IBAN:  BY70BELB30151001470040226000

УНП: 100052236

У графе “прызначэньне плацяжу” просим пазначыць: “бязвыплатны ўзнос на аплату арэнды памяшканьня”, альбо “дабрачынны ўнёсак”.

 

3. Ахвяраваньні наяўнымі грашыма (у тым ліку ананімна)

Ахвяраваньні на арэнду Сядзібы таксама можна зрабіць наяўнымі грашыма ў сядзібе БНФ (Менск, вул. Чарнышэўскага, 3), у тым ліку ананімна ў скарбонку для ахвяраваньняў на адрас Грамадзкага аб’яднаньня БНФ “Адраджэньне”.

Графік працы сядзібы: офіс БНФ адчынены з 13 да 19 гадзінаў з панядзелка па пятніцу. Субота, нядзеля − выходныя.

З цэнтральным офісам Партыі БНФ Вы можаце зьвязацца праз электронны адрас Управы БНФ:  uprava@narodny.org альбо праз тэлефон (017) 3645012


Просмотреть увеличенную карту

Па спасылках шукайце кантакты Партыі БНФ у Менску і Менскай вобласьці, а таксама ў Магілёўскай, Гарадзенскай, Віцебскай, Берасьцейскай, Гомельскай абласьцях.

 

Збор грашовых ахвяраваньняў у падтрымку Сядзібы БНФ

    Чэрвеньскі Сойм Партыі БНФ і ГА БНФ "Адраджэньне"

    29 чэрвеня, 11:00 - сядзіба БНФ (Менск, вул. Чарнышэўскага, 3)
    
    

    У Лідзе і Гародні – пратэст супраць забруджваньня Дзітвы, прытока Нёмана

    Беларускі партал TUT.BY нагадвае, што на рацэ Дзітва, якая зьяўляецца прытокам Нёмана, другі год запар ...

    Патрыёты на Слонімшчыне ўшанавалі памяць Міхала Валовіча і паўстанцаў

    У нядзелю, 16 чэрвеня, слонімцы, а таксама госці з іншых рэгіёнаў Беларусі, наведалі вёску Парэчча ...

    Рыгор Кастусёў: Партыя БНФ рыхтуецца да выбарачай кампаніі

    Як сказаў у камэнтары Беларускаму Радыё Рацыя старшыня Партыі БНФ Рыгор Кастусёў, партыя ўжо рыхтуецца ...
    СТУЖКА НАВІНАЎ

    Ахвяраваньні для БНФ цяпер можна ўносіць праз сыстэму “Разлік” (ЕРИП)

    Грамадзкае аб’яднаньне БНФ “Адраджэньне” падлучылася да сыстэмы “Разлік” (АРІП) / “Расчет” (ЕРИП), што спрашчае дзеяньні ахвярадаўцаў пры пералічэньні грошаў на падтрымку статутнай дзейнасьці грамадзкага аб’яднаньня.

    Ініцыятыва „За Маскоўскі Нюрнберг: Аб асуджэнні маскоўскага камунізму“

    ПАВЕДАМЛЕННЕ, 13.06.2019 года
    Грамадскай арганізацыйна-дзейнаснай ініцыятывы „За Маскоўскі Нюрнберг: Аб асуджэнні маскоўскага камунізму“

    Як скончыла школу Ялінка, якая адна ў Магілёве вучылася па-беларуску

    З магілёўскай школай № 1 разьвіталася першая за 20 гадоў беларускамоўная вучаніца Ялінка Салаўёва. Яна ў клясе была адна.

    Старшыня Партыі БНФ Рыгор Кастусёў наведаў Ігналінскую АЭС у Летуве

    Старшыня Партыі БНФ Рыгор Кастусёў і прадстаўнікі шэрагу іншых беларускіх дэмакратычных партыяў і арганізацыяў наведалі Ігналінскую АЭС у Літве.

    Рыгор Кастусёў: “Калі пачуў словы Пуціна пра Беларусь, узгадалася, што ён казаў пра Крым і што здарылася з ім пазней”

    Старшыня Партыі БНФ Рыгор Кастусёў пракамэнтаваў парталу UDF.BY выказваньні расейскага прэзыдэнта Пуціна пра тое, што паглынаньне Беларусі Расеяй цяпер не стаіць на парадку дня: «Калі пачуў словы Пуціна пра Беларусь, узгадалася, што ён казаў пра Крым і што здарылася з ім пазней», – адзначыў Рыгор Кастусёў. Камэнтуючы пазыцыю Лукашэнкі ў цяперашніх перамовах, лідэр БНФ даў наступную ацэнку: «Зараз у яго адна мэта – скарыстаць аб’яднанне ў рамках Саюзнай дзяржавы, каб захаваць легітымную ўладу для сябе і сваёй сям’і. Але за гандлем за ўладу, які вядзе Лукашэнка, мы можам згубіць незалежнасць краіны. Гэта рэальная пагроза», – сказаў Рыгор Кастусёў.

    Аляксей Янукевіч узяў удзел у дыскусіі пра шлях Беларусі ў NATO

    Намесьнік старшыні Партыі БНФ Аляксей Янукевіч абмеркаваў з вайсковым аналітыкам Аляксандрам Алесіным аргумэнты на карысьць далучэньня Беларусі да Арганізацыі Паўночнаатлянтычнай дамовы (NATO).

    Чэрвень 2019
    Пн Аў Сер Чц Пт Сб Ндз
    « Тра    
     12
    3456789
    10111213141516
    17181920212223
    24252627282930
    © 2011 - 2019 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.