Партыя БНФ
Партыя БНФ - партыя абароны народных інтарэсаў
Збор грашовых ахвяраваньняў у падтрымку Сядзібы БНФ

Сядзіба БНФ, адна са старэйшых незалежных пляцовак грамадзкага жыцьця ў Менску, абвяшчае збор грошаў для аплаты арэнды памяшканьня. На аплату арэнды трэба сабраць 28 000 рублёў – інакш ўлады пагражаюць скасаваньнем дамовы арэнды.

Апошнія сем гадоў Сядзіба БНФ размяшчаецца па вуліцы Чарнышэўскага, 3 – сюды яна пераехала пасьля таго, як улады выціснулі партыю з гістарычнага будынку на вуліцы Варвашэні (праспэкт Машэрава). Дамову арэнды скасавалі падчас правядзеньня на Сядзібе маштабнага збору грашовай і рэчавай дапамогі людзям, што былі арыштаваныя на Плошчы-2010: гэта была помста ўладаў за кампанію народнай салідарнасьці – і дзякуючы народнай падтрымцы Сядзіба аднавіла працу на новым адрасе.

Цяпер самой Сядзібе БНФ патрэбная дапамога. У адрозьненьне ад праўладных партыяў, мы не маем ані ільготных ставак арэнды (якія ўлады далі ГА “Белая Русь” і камуністычнай партыі), ані шматмільённых датацыяў з дзяржбюджэту (якія ўлады даюць БРСМ).

Сядзіба БНФ як незалежная пляцоўка існуе выключна дзякуючы ахвяраваньням людзей.

Штогод дзесяткі арганізацыў ладзяць у памяшканьні Сядзібы БНФ культурніцкія, маладзёвыя, дабрачынныя мерапрыемствы – тут адбываюцца канцэрты (у тым ліку гэта пляцоўка для творчых сустрэчаў з музыкамі, якія трапляюць у “чорныя сьпісы”), выставы, дыскусійныя клюбы, прэс-канфэрэнцыі. Пляцоўка адкрытыя не толькі для мерапрыемстваў БНФ: у памяшканьні Сядзібы  адбываліся зьезды і сходы дэмакратычных партыяў і рухаў рознай скіраванасьці.

У часы павелічэньня рэпрэсіяў памяшканьне Сядзібы БНФ застаецца адзіным месцам, дзе незалежная грамадзкасьць можа вольна праводзіць свае імпрэзы.

davБудынак сядзібы БНФ на Чарнышэўскага, 3 цяпер ёсьць адзіным у Менску, дзе лунае нацыянальны бел-чырвона-белы сьцяг. Але без грашовай падтрымкі людзей гэтае месца можа зачыніцца.

Мы заклікаем ўсіх беларусаў дапамагчы грашовымі ахвяраваньнямі на працяг арэнды Сядзібы БНФ і ліквідацыю наяўных запазычанасьцяў па арэндзе памяшканьня.

Пералічаць сродкі для аплаты сядзібы БНФ можа любы грамадзянін Беларусі.

Шчыры дзякуй за Вашыя ахвяраваньні! Жыве Беларусь!

—————————————————————————————————————————

Ахвяраваньні для аплаты Сядзібы БНФ можна зьдзейсьніць адным з трох шляхоў:

1. Ахвяраваньні праз сыстэму “Разлік” (АРІП) / “Расчет” (ЕРИП).

logo-raschetПералічыць грошы праз сыстэму Разлік (АРІП)/“Расчет” (ЕРИП) у любым банку,  праз інтэрнэт-банкінг, мабільны банкінг, інфакіёск, у банкамаце і г.д. Зьдзейсьніць аплату можна з  выкарыстаньнем наяўных ці электронных грошаў, банкаўскіх плацёжных картак.

ахвяраваньні - еріпРэквізіты для пералічэньня ахвяраваньняў можна знайсьці на сайце https://raschet.by/ -  у графе пошуку паслугаў набірайце БНФ, ці код паслугі 4431691

ДЛЯ ПРАВЯДЗЕННЯ ПЛАЦЯЖУ ПРАЗ ЕРИП ТРЭБА:

Выбраць:

•Пункт “Сістэма” Разлік “(АРІП) / “Система “Расчет” (ЕРИП)

• общественные объединения/грамадскія аб’яднанні –

• прочие общественные объединения/іншыя грамадскія аб’днанні

• БНФ “Адраджэньне”

• БНФ “Адраджэньне” – код паслугі 4431691

Для аплаты ўвесьці прозьвішча, імя, імя па бацьку

Праверыць карэктнасьць інфармацыі і зьдзейсьніць плацёж.

Калі Вы ахвяруеце праз касу банка, калі ласка, паведміце касіру аб неабходнасьці правядзеньня плацяжу праз сыстэму “Разьлік” (АРІП) / “Расчет” (ЕРИП).

2. Ахвяраваньні праз банкаўскі рахунак

Ахвяраваньні для аплаты Сядзібы можна пералічаць і наўпрост на рахунак Грамадзкага аб’яднаньня БНФ “Адраджэньне”

Рэквізыты:

ГРАМАДЗКАЕ АБ’ЯДНАНЬНЕ БНФ “АДРАДЖЭНЬНЕ”

ААТ “Банк БелВЭБ” г. Мінск Мінскае аддзяленне №2

BIC SWIFT: BELBBY2X

IBAN:  BY70BELB30151001470040226000

УНП: 100052236

У графе “прызначэньне плацяжу” просим пазначыць: “бязвыплатны ўзнос на аплату арэнды памяшканьня”, альбо “дабрачынны ўнёсак”.

 

3. Ахвяраваньні наяўнымі грашыма (у тым ліку ананімна)

Ахвяраваньні на арэнду Сядзібы таксама можна зрабіць наяўнымі грашыма ў сядзібе БНФ (Менск, вул. Чарнышэўскага, 3), у тым ліку ананімна ў скарбонку для ахвяраваньняў на адрас Грамадзкага аб’яднаньня БНФ “Адраджэньне”.

Графік працы сядзібы: офіс БНФ адчынены з 13 да 19 гадзінаў з панядзелка па пятніцу. Субота, нядзеля − выходныя.

З цэнтральным офісам Партыі БНФ Вы можаце зьвязацца праз электронны адрас Управы БНФ:  uprava@narodny.org альбо праз тэлефон (017) 3645012


Просмотреть увеличенную карту

Па спасылках шукайце кантакты Партыі БНФ у Менску і Менскай вобласьці, а таксама ў Магілёўскай, Гарадзенскай, Віцебскай, Берасьцейскай, Гомельскай абласьцях.

 

Збор грашовых ахвяраваньняў у падтрымку Сядзібы БНФ
Сойм Партыі БНФ: Выбары прызначаныя з парушэньнем Канстытуцыі

бнф logo5 жніўня Лукашэнкам быў падпісаны ўказ пра прызначэньне выбараў дэпутатаў Палаты Прадстаўнікоў VIІ скліканьня. Выбары прызначаныя на 17 лістапада 2019 года.

Насуперак рэкамэндацыям АБСЭ, якія былі зробленыя пасьля мінулых парлямэнцкіх выбараў,  улады адмовіліся ад рэальнай, сыстэмнай дэмакратызацыі выбарчага заканадаўства. Але да звыклых хібаў, якія ёсьць традыцыйнымі для ўсіх выбарчых кампаніяў у Беларусі, дадалася новая заганная праява, зьвязаная з незаконным датэрміновым спыненьнем паўнамоцтваў дэпутатаў дзеючага скліканьня: абраныя ў верасьні 2016 года на чатырхогадовы тэрмін, яны не дапрацуюць да канца сваіх паўнамоцтваў амаль год.

Намер зьдзейсьніць датэрміновы роспуск Парлямэнта дэкляраваны Лукашэнкам нягледзячы на тое, што артыкул 94 Канстытуцыі ўтрымлівае вычарпальны пералік падставаў для датэрміновага роспуску Парлямэнту: гэта адмова ў даверы Ўраду ці вотум недаверу Ўраду, двухразовая адмова ў дачы згоды на прызначэньне прэм’ер-міністра, альбо наяўнасьць заключэньня Канстытуцыйнага суду пра сыстэматычнае альбо грубае парушэньне Канстытуцыі палатамі Парлямэнту. Ніякія іншыя падставы не могуць быць законным абгрунтаваньнем датэрміновага спыненьня паўнамоцтваў Парлямэнта і прызначэньня датэрміновых выбараў.

Такім чынам, прызначэньне датэрміновых выбараў Парлямэнту без законных падставаў ёсьць чарговым дэманстратыўным парушэньнем канстытуцыйных нормаў з боку дыктатуры Лукашэнкі, якая не прымае якіх-кольвек канстытуцыйных абмежаваньняў. Калі паслугачы дыктатара парушаюць сваю ж канстытуцыю – то што можна казаць пра выкананьне любых іншых нормаў закона ці павагу да правоў чалавека. Менавіта гэткія дэманстратыўныя ды цынічныя парушэньні права ўкараняюць у грамадзтве неправавую культуру, традыцыю ігнараваньня прававых нормаў, спрыяюць росквіту карупцыі і злачыннасьці.

Асаблівую небясьпеку падобны падрыў канстытуцыйных прынцыпаў фармаваньня заканадаўчай галіны ўлады нясе ў цяперашняй сытуацыі, калі ў суседняй Расеі ізноўку ўголас на ўрадавым узроўні пачалі казаць пра намер захопу Беларусі. Працягваючы традыцыю грэблівага і зьневажальнага стаўленьня да канстытуцыйных нормаў, цяпершнія ўлады граюць на руку ворагам беларускай незалежнасьці: замест таго каб быць надзейным сродкам абароны дзяржаўнага сувэрэнітэту, Канстытуцыя ў руках неразумных палітыкаў дзеля дробнай палітычнай мэтазгоднасьці пераўтвараецца ў нішто. Разбурэньне канстытуцыйных гарантыяў сувэрэнітэту Беларусі, дэвальвацыя канстытуцыйнай законнасьці і спрыяньне вонкавым ворагам могуць быць дадатковым шкодным наступствам таго спосаба, у які прызначаныя гэтыя выбары.

Партыя БНФ заклікае дэпутатаў Палаты прадстаўнікоў праявіць прынцыповасьць і стаць на бок канстытуцыйнай законнасьці, ініцыяваць скліканьне пазачарговай сэсіі Палаты прадстаўнікоў дзеля вынясеньня на разгляд Канстытуцыйнага Суда пытаньня пра адпаведнасьць Канстытуцыі Рэспублікі Беларусь указаў прэзыдэнта №293 і №294 аб прызначэньні выбараў у Савет Рэспублікі і Палату прадстаўнікоў Нацыянальнага сходу.

Калі гэткі крок не будзе зроблены Парлямэнтам, гэта будзе сьведчыць пра безадказнае стаўленьне дэпутатаў не толькі да Канстытуцыі, але і да правоў і інтарэсаў сваіх выбаршчыкаў.

Са сваяго боку Партыя БНФ будзе выкарыстоўваць магчмасьці агітацыйнай кампаніі для прапаганды незалежніцкіх прынцыпаў і папулярызацыі сваёй праграмы, якая падугледжвае пабудову прававой дзяржавы, у якой будуць недапушчальныя гэткія дэманстратыўныя  парушэньні канстытуцыйнай законнасьці.

Сойм Партыі БНФ: Выбары прызначаныя з парушэньнем Канстытуцыі
Улады запыталі ў БНФ дадзеныя пра асобаў, што вылучаюцца ў выбаркамы

Зварот уладаў камэнтуе старшыня Партыі БНФ Рыгор Кастусёў:

Віцебск - камісіі-       Гэтая “просьба” ўладаў не заснаваная на законе. Вылучэньне ў склад акруговых камісій прадстаўнікоў партыі магчымае толькі адным дакументам – пратаколам пасяджэньня кіруючага органа партыі. БНФ заўжды пазначае ў партаколах вылучэньня зьвесткі пра адукацыю і досьвед нашых прадстаўнікоў.

Шмат хто з нашых партыйцаў мае грунтоўны досьвед назіраньня за выбарамі ў іншых краінах, дзе галасы выбаршчыкаў сапраўды лічаць. Таму нашыя вылучэнцы недаспадобы мясцовым уладам.

Відавочна, што патрабаваньне прадставіць нейкія дадатковыя дакументы, апроч тых што прадугледжаныя Выбарчым кодэксам, ёсьць яскравай праявай звычайнага для ўладаў стаўленьня да выбараў. Для іх фармаваньне выбарчых камісій мае значэньне не як палітычная працэдура, пакліканая зябясьпечыць празрыстацьсь выбараў і давер нацыі да будучых вынікаў выбараў.  Улады хочуць стварыць бачнасьць плюралізму, захаваўшы поўны кантроль адміністрацыі за працэдурай, каб зябсьпечыць патрэбны ўладам вынік.

Паводле закону, выбарчыя камісіі фармуюцца на сумесных пасяджэньнях прэзыдыюмаў выканкамаў і абласных саветаў. Але на практыцы мы бачым што гэтыя органы не абмяркоўваюць на пасяджэньнях прапанаваныя кандыдатуры, не разглядаюць пытнаьне пра неабходнасьць забясьпечыць у складзе камісіяў прадстаўніцтва апазыцыі. Фактычна акурат арганізацыйны аддзел фармуе персанальны склад камісій задоўга да фармальнай працэдуры. Гэта яскравы прыклад кіраванасьці выбарчага працэсу ў Беларусі.

Мы не зьбіраемся палягчаць працу віцебскаму арганізацыйнаму аддзелу выканкама з той прчыны, што ягоная праца ў гэтай частцы не ёсьць прадугледжанай законам працэдурай. Усе зьвесткі пра нашых вылучэнцаў, таксама як і іншыя пытаньні датычна складу акруговых камісіяў, павінныя пасьля 30 жніўня абмяркоўвацца ўпаўнаважанымі органамі – прэзыдыюмамі мясцовых уладаў.  

Натуральна, ніякіх не прадугледжаных законам папярэдніх дадзеных мы прадстаўляць не будзем. БНФ прадставіць да 30 жніўня ў выканкам пратаколы аб вылучэньні прадстаўнікоў у акруговыя камісіі, у якіх будуць дадзеныя пра ўсе іх дзелавыя і асабістыя якасьці. У тым ліку пра намер недапусьціць парушэньняў выбарчага заканадаўствафальсіфікацыяў ды іншых незаконных маніпуляцыяў падчас выбараў.

Вылучэньне прадстаўнікоў Партыі БНФ і Грамадзкага аб’яднаньня БНФ “Адраджэньне”  у склад акруговых выбарчых камісіяў адбудзецца 24 жніўня на чарговым пасяджэньні Сойма БНФ. Папярэдне паводле прадстаўленьня Віцебскай абласной арганізацыі Партыі БНФ, па Віцебскай вобласьці ў склад камісіяў заплянаванае вылучэньне шасьці прадстаўнікоў.

Падчас мінулых выбараў у палату прадстаўнікоў шостага скліканьня ў 2016 годзе, у склад акруовых камісіяў па краіне ад Партыі БНФ было вылучана 27 чалавек, але толькі пяцёра з іх былі ўключаныя ў склад камісіяў. Ніводная з судовых скаргаў, пададзеных на неўключэньне прадстаўнікоў партыі ў склад камісіяў, не была задаволеная: нават у тыхз выпадках, калі ў склад камісіяў уключаліся прадстаўнікі лаяльных уладам аб’яднаньняў, чыё вылучэньне адбывалася з грубымі парушэньнямі нормаў выбарчага кодэкса. Напрыклад, тады ў камісіях працавалі прадстаўнікі Саюза жанчын і Беларускага аб’яднаньня вэтэранаў, якія не прадставілі пратаколаў пра сваё вылучэньне ў склад камісій.

Улады запыталі ў БНФ дадзеныя пра асобаў, што вылучаюцца ў выбаркамы
Заява Рады БНР з нагоды ўгодкаў злачыннай змовы бальшавікоў з нацыстамі

45B8001A-D39D-4EC7-8067-FCC33F867BA8_w1080_h608_s_bУ гэты дзень 80 гадоў таму Савецкі Саюз і гітлераўская Нямеччына падпісалі пагадненьне аб ненападзе, сакрэтная частка якога прадугледжвала падзел Усходняй Эўропы паміж гэтымі дзьвюма таталітарнымі дзяржавамі. Заходняя Беларусь, якая ў той час знаходзілася пад польскім кантролем, апынулася ў сфэры ўплыву СССР, які на той момант ужо кантраляваў усходнюю частку Беларусі.

Праз тыдзень пасьля падпісаньня пагадненьня Нямеччына напала на Польшчу, што сталася пачаткам Другой сусьветнай вайны.

Двума тыднямі пазьней да Гітлера далучыўся Савецкі Саюз, напаўшы на Польшчу з усходу і дэ-факта ўступіўшы ў Другую сусьветную вайну на баку нацыстоўскай Нямеччыны. У 1939-1941 годзе СССР захапіў Заходнюю Беларусь, Заходнюю Ўкраіну, Бэсарабію і краіны Балтыі. Толькі Фінляндыя здолела абараніць сваю незалежнасьць у няроўнай вайне супраць савецкай ваеннай машыны.

Вайна паміж Нямеччынай і СССР пачалася летам 1941 года, праз амаль два гады пасьля пачатку Другой сусьветнай вайны. Цягам трох гадоў Беларусь была акупаваная нямецкімі войскамі. Нямецкая акупацыя суправаджалася генацыдам беларускага габрэйства, палітычным тэрорам, злачынствамі супраць мірнага насельніцтва.

Пакт Молатава-Рыбэнтропа сымбалізуе трагедыю нашага рэгіёна ў дваццатым стагодзьдзі. Мільёны ўсходнеэўрапейцаў былі зьнішчаныя нацыстамі і камуністамі за свае палітычныя погляды, этнічнае ці сацыяльнае паходжаньне. Мільёны загінулі ў Другой сусьветнай вайне, адказнасьць за разьвязаньне якой нясуць таталітарныя рэжымы ў Нямеччыне і СССР.

Апынуўшыся пад савецкай і нацыстоўскай акупацыямі, Беларусь і іншыя краіны рэгіёну згубілі дзесяцігодзьдзі свабоднага разьвіцьця.

Беларусь пацярпела ад нацыстоўскай і савецкай акупацыяў больш, чым многія іншыя краіны. Мы дагэтуль не пераадолелі наступстваў дзесяцігодзьдзяў рэпрэсій і прапаганды, якія сфармавалі некалькі пакаленьняў людзей.

Савецкую інэрцыю ў Беларусі ўвасабляе аўтарытарны і карумпаваны рэжым Аляксандра Лукашэнкі, чые ідэалёгія і мэтады кіраваньня перадусім абапіраюцца на спадчыну савецкага рэжыму. На раньнім этапе свайго прэзыдэнцтва А. Лукашэнка публічна выказваў захапленьне сыстэмай улады, пабудаванай Адольфам Гітлерам у Нямеччыне. Наступныя гады пасьля гэтай скандальнай заявы пацьвердзілі шчырасьць гэтага захапленьня.

Разам з тым, угодкі Пакта Молатава-Рыбэнтропа сталі імпульсам для нашых суседзяў, каб дамагчыся аднаўленьня свае незалежнасьці ад СССР. У гэтыя дні краіны Балтыі адзначаюць трыццатыя ўгодкі «Балтыйскага шляху» – беспрэцэдэнтнай мірнай акцыі пратэсту, якая ў 1989 годзе аб’яднала некалькі мільёнаў жыхароў савецкай Прыбалтыкі ў патрабаваньні свабоды для сваіх краінаў. Грамадзкі чын у Латвіі, Літоўскай Рэспубліцы і Эстоніі стаў моцным натхненьнем і для беларусаў.

Нягледзячы на тэрор і прапаганду, нашыя народы здолелі выжыць і адрадзіць сваю незалежнасьць у канцы дваццатага стагодзьдзя. У гэтым ёсьць вялікая гістарычная перамога ў тым ліку і беларускага народу.

Рада БНР пацьвярджае сваю ацэнку нацыстоўскаму рэжыму ў Нямеччыне і камуністычнаму рэжыму ў СССР, дадзеную ў Заяве да 70-годзьдзя ад заканчэньня Другой сусьветнай вайны (2015), Дэклярацыі памяці і салідарнасьці (2016) і іншых дакумэнтах.

Рада БНР рашуча асуджае негалосную рэгабілітацыю сталінізма, якая ў апошнія гады адбываецца ў Расеі і пад яе ўплывам – у Беларусі. Рада БНР зьвяртае ўвагу на неабходнасьць юрыдычнай і гістарычнай ацэнкі дзеяньняў савецкага рэжыму ў Беларусі па аналёгіі з існуючай ацэнкай злачынстваў нацыстоўскага рэжыму.

Рада БНР заяўляе, што будучыня Беларусі павінна будавацца згодна з каштоўнасьцямі свабоды і дэмакратыі, зь неаспрэчным прыярытэтам правоў асобы і каштоўнасьці жыцьця чалавека.

Рада БНР зьвяртае ўвагу на выключную важнасьць міжнароднай салідарнасьці і рашучага міжнароднага адпору дыктатарскім рэжымам на грунце каштоўнасьцяў свабоды і дэмакратыі – як у час Другой сусьветнай вайны, так і ў цяперашні час. Няхай вопыт дваццатага стагодзьдзя будзе для чалавецтва надзейнай прышчэпкай супраць таталітарызму.

45

Заява Рады БНР з нагоды ўгодкаў злачыннай змовы бальшавікоў з нацыстамі

    Жнівеньскі Сойм Партыі БНФ і ГА БНФ "Адраджэньне"

    24 жніўня, цэнтральная сядзіба БНФ (Менск, Чарнышэўскага, 3)
    
    

    У Слоніме паўстаў помнік канцлеру Вялікага Княства Літоўскага Льву Сапегу

    Урачыстае адкрыццё помніка адбудзецца 1 верасня на Дзень беларускага пісьменства і друку - паведамляе Беларускае ...

    Рыгор Кастусёў: “Беларусы маюць права на стварэнне сваёй царквы”

    Беларуская аўтакефальная царква ў самой Беларусі цяпер знаходзіцца ў нелегальным становішчы. Таму форум, які сабраў ...

    Вадзім Саранчукоў: “Старыя схемы на выбарах не працуюць”

    Палітык лічыць, што ў будучых выбарах старыя схемы выбараў не будуць спрацоўваць: – Ранейшыя схемы, па ...
    СТУЖКА НАВІНАЎ

    Ірына Амельянчук: “Улада штурхае людзей да ад’езду, і краіна губляе будучыню”

    Абласны горад Берасце, які мяжуе з тэрыторыяй Эўразвязу, пакідаюць маладыя, здаровыя людзі, лепшыя спецыялісты. Пра гэтую праблему карэспандэнт Беларускага Радыё Рацыя размаўляе з Ірынай Амельянчук, якая будзе вылучаная Партыяй БНФ у дэпутаты Палаты прадстаўнікоў ад Берасця.

    Ахвяраваньні для БНФ цяпер можна ўносіць праз сыстэму “Разлік” (ЕРИП)

    Грамадзкае аб’яднаньне БНФ “Адраджэньне” падлучылася да сыстэмы “Разлік” (АРІП) / “Расчет” (ЕРИП), што спрашчае дзеяньні ахвярадаўцаў пры пералічэньні грошаў на падтрымку статутнай дзейнасьці грамадзкага аб’яднаньня.

    У Лідзе прайшоў сход раённай арганізацыі БНФ

    У Лідзе прайшоў сход сябраў раённых суполак Партыі БНФ і грамадскага аб’яднання БНФ “Адраджэнне”.

    БНФ ды іншыя партыі ладзяць супольнае назіраньне за выбарамі

    12 жніўня 2019 году, лідары кампаніі назірання “Права выбару-2019” распавялі на адмысловай прэсавай канфэрэнцыі ў Менску, якія прамежкавыя вынікі дасягнутыя на гэты момант і на чым актывісты кампаніі сканцэнтруюцца ў наступныя тры месяцы парляманцкай выбарчай кампаніі.

    Ля кансуляту Беларусі ў Нью-Ёрку – мітынг супраць блюзнэрства ў Курапатах

    11 жніўня ў Нью-Ёрку перад будынкам, у якім месціцца Гэнэральны кансулят Рэспублікі Беларусь, прайшоў мітынг у падтрымку абаронцаў Курапатаў.

    Вольга Дамаскіна: Хачу, каб законы ў Беларусі разглядалі вачыма жанчын

    Вольга Дамаскіна прыйшла да ідэі нацыянальнага адраджэння, дзякуючы знаёмству з бардам Сержуком Сокалавым-Воюшам. Наваполацкая школьніца, якую бацькі вызвалілі ад вывучэння беларускай мовы, самастойна разбірала правілы і чытала творы беларускіх пісьменнікаў, пазнаёмілася з “фронтаўцамі” і сама неўзабаве ўступіла ў Партыю БНФ.

    Жнівень 2019
    Пн Аў Сер Чц Пт Сб Ндз
    « Ліп    
     1234
    567891011
    12131415161718
    19202122232425
    262728293031  
    © 2011 - 2019 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.