Партыя БНФ » Затрыманьні патрыётаў інспіраваны прарасейскімі сіламі ў кіраўніцтве краіны
Партыя БНФ - партыя абароны народных інтарэсаў


Затрыманьні патрыётаў інспіраваны прарасейскімі сіламі ў кіраўніцтве краіны

Дададзена 22.03.2017 3:35:41 | 1,075 праглядаў

Заява Управы Сойму Партыі БНФ

22 сакавіка 2017г.

Партыя БНФ выказвае рашучы пратэст у сувязі з масавымі затрыманьнямі супрацоўнікамі КДБ 21-22 сакавіка 2017 г. грамадзянаў Беларусі, зьвязаных з працаю вайскова-спартовага клюбу “Патрыёт”, зарэгістраванага пры Цэнтры творчасьці дзяцей і моладзі Ленінскага раёну г. Бабруйску, а таксама незарэгістраванай патрыятычнай суполкі “Белы Легіён”, якая спыніла сваю актыўную дзейнасьць больш за 10 гадоў таму.

Мы расцэньваем гэтыя затрыманьні як інспіраваную прарасейскімі сіламі ў кіраўніцтве краіны акцыю па нэўтралізацыі сапраўдных патрыётаў Беларусі, найбольш адданых абаронцаў незалежнасьці і тэрытарыяльнай цэласнасьці нашай Дзяржавы. Падкрэсьленая антыбеларускасьць гэтай акцыі асабліва яскрава выглядае на фоне лаяльнага стаўленьня цяперашніх уладаў да дзейнасьці прарасейскіх парамілітарных груповак, кшталту “Беларускага казацтва”, “Казачага спасу” і д.п., якія па ўсёй Беларусі бесперашкодна праводзяць вайсковую і ідэалягічную падрыхтоўку “салдатаў “рускага сьвету”, у тым ліку з непаўнагадовых грамадзянаў нашай краіны.

У сувязі з гэтым, Партыя БНФ патрабуе неадкладнага вызваленьня ўсіх затрыманых 21-22 сакавіка беларускіх патрыётаў і правядзеньня тэрміновага публічнага расьследваньня ў дачыненьні да асобаў, якія спрычыніліся да гэтай ганебнай антыбеларускай акцыі.

 

 Управа Сойму Партыі БНФ

One Response to Затрыманьні патрыётаў інспіраваны прарасейскімі сіламі ў кіраўніцтве краіны

  1. CarCar says:

    Ну дык партыя БНФ павінна дамагацца разгону прарасійскіх лагераў на тэрыторыі Беларусі: http://udf.by/news/sobytie/123595-kak-v-belarusi-kuyut-kadry-dlya-doneckih-separatistov.html. А таксама ініцыятываваць арышты арганіазатараў вывазу Беларусаў у лагеры на тэрыторыі Расіі і акупаванага Крыму: http://nn.by/?c=ar&i=170171 і http://www.belaruspartisan.org/life/275670/

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Сакавік 2019
Пн Аў Сер Чц Пт Сб Ндз
« Лют    
 123
45678910
11121314151617
18192021222324
25262728293031
© 2011 - 2019 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.