Партыя БНФ » Мікола Чарнавус: “Старшыня баранавіцкага райвыканкама „закасіў” пад Дзеда Мароза”
Партыя БНФ - партыя абароны народных інтарэсаў


Мікола Чарнавус: “Старшыня баранавіцкага райвыканкама „закасіў” пад Дзеда Мароза”

Дададзена 31.12.2017 1:28:12 | 330 праглядаў

Баранавіцкія кіраўнікі Кааператыўнага рынка вырашылі ўзяць сабе дадатковы выходны 2-га студзеня. Гуляць дык гуляць, кажа прадпрымальнік, сябра Партыі БНФ Мікола Чарнавус (старэйшы).

Па словах прадпрымальніка, інтарэсы кіраўніцтва рынка не супалі з інтарэсамі прадпрымальнікаў. Маючы падзенне даходаў з прычыны змяншэння пакупніцкай здольнасці, ім гэты дзень патрэбен для працы.

Таму Мікола Чарнавус звярнуўся ў мясцовы райвыканкам для вырашэння сітуацыі.

Але а 15-й гадзіне пятніцы чыноўнікі ўстановы ўжо не працавалі, а засядалі на святочным сходзе, кажа спадар Чарнавус:

чарнавус баранавічы - копія– Гэта ўпершыню за 24 гады 2-га снежня адміністрацыя рынка не жадае працаваць. Я звярнуўся ў райвыканкам, а там аказваецца таксама старшыня Баранавіцкага райвыканкама Хвацік Васіль пад Дзеда Мароза “закасіў”. Вырашыў павіншаваць у працоўны час калектыў, сабраў іх у актавай залі, але мяне туды не прапусціў міліцыянт.

Дзяжурны міліцыянт скіраваў Міколу Чарнавуса ў “адно акно”. Але там пытаннем працы рынка не валодалі.

Па настойлівым патрабаванні прадпрымальніка, святочны настрой быў перарваны ў намесніка старшыні райвыканкама па эканоміцы. Той спаслаўся на рашэнне нейкага сходу. Мікола Чарнавус напісаў скаргу ў кнігу водгукаў і прапаноў.

Паводле Чарнавуса, грошы за арэнду заплачаны за ўвесь месяц, а Кааператыўны рынак – адзін з чатырох у Баранавічах – не працуе.

Паводле Беларускага Радыё Рацыя

Красавік 2018
Пн Аў Сер Чц Пт Сб Ндз
« Сак    
 1
2345678
9101112131415
16171819202122
23242526272829
30  
© 2011 - 2018 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.