Партыя БНФ » Чаму ЦВК, якая дэкларуе “празрыстаць” выбарчых працэсаў, засакрэціў ўзоры спісу выбаршчыкаў?
Партыя БНФ - партыя абароны народных інтарэсаў


Чаму ЦВК, якая дэкларуе “празрыстаць” выбарчых працэсаў, засакрэціў ўзоры спісу выбаршчыкаў?

Дададзена 17.02.2018 12:05:49 | 383 праглядаў

Выбаршчыкі аграгарадка Калодзішчы Мінскага раёна пад час датэміновага галасавання сутыкнуліся з не зусім зразумелай сітуацыяй пры выдачы ім бюлютэняў для галасавання.

На гэтым выбарчым участку адбываецца галасаванне адразу у Саветы трох узроўняў: Мінскі абласны, Мінскі раёны і Калодзішчанскі сельскі Саветы.

Некаторыя выбаршчыкі выказвалі сябрам участковай камісіі пажаданне прагаласаваць менавіта за кандыдата у Мінскі раённы Савет дэпутатаў і патрабавалі пры гэтым, каб ім выдалі толькі адзін бюлютэнь па выбарах дэпутата Мінскага раёнага Савета.

Бюлютэнь выбаршчыку выдаецца, але распісваецца чалавек толькі адзін раз, а гэта значыць адразу за тры бюлютэні: у Мінскі абласны Савет, у Мінскі раённы Савет і Каладзішчанскі сельскі Савет. Такім чынам, узнікае сітуацыя, калі немагчыма дакладна вызначыць колькі бюлютэняў і ў Саветы якога ўзроўню былі насамрэч выдадзеныя, а таксама робіць немагчымым устанавіць колькасць выбаршчыкаў атрымаўшых бюлетэнь па кожнай выбарчай акрузе, што прывядзе да магчымага несупадзення бюлетэняў у выбарчых скрынях з колькасцю выбаршчыкаў, якія атрымалі бюлетэні.

Падобная гісторыя здарылася з кандыдатам у дэпутаты адразу трох Саветаў - Іллёй Дабратворам. Ён балатуецца ад Партыі БНФ па 4-й Каладзішчанскай выбарчай акрузе №40 па выбарах у Мінскі раённы Савет дэпутатаў, па Каладзішчанскай выбарчай акрузе №16 па выбарах у Мінскі абласны Савет дэпутатаў і па Сухаруцкай сельскай выбарчай акрузе №13 у мясцовы, Каладзішчанскі Савет.

Ілля Дабратвор кажа аб тым, што сябрам участковай камісіі дакладна немагчыма будзе высветліць, колькі бюлютэняў і ў Саветы якога ўзроўню былі выдадзеныя.

Эксперты кампаніі “Праваабаронцы за свабодныя выбары” паспрабавалі разабрацца, ці прадугледжаныя асобныя графы ў спісах выбаршчыкаў для выдачы розных бюлютэняў. А ў выніку сутыкнуліся з таямніцай.

Каментуе каардынатар кампаніі Уладзімір Лабковіч:

“Безумоўна, выбаршчыкі павінны падпісвацца столькі разоў, колькі яны атрымліваюць бюллетэняў, у дадзеным выпадку – тры подпісы за тры бюлетэні. Калі ж выбаршчыкі жадаюць прагаласаваць толькі, напрыклад, за дэпутата Мінскага раенага Савета дэпутатаў, ён падпісваецца толькі адзін раз. Самае цікавае, што пастанова ЦВК № 35 ад 15 лістапада 2017г., якая зацвярджае формы дакументаў, датычных выбараў, утрымлівае звесткі аб зацвярджэнні ўзораў “Спісу грамадзян, якія маюць права ўдзельнічаць у выбарах дэпутатаў мясцовых Саветаў”, згодна з дадаткам 2, але сам дадатак № 2 адсутнічае у тэксце пастановы, хоць іншыя ўзоры дакументаў прысутнічаюць. Відавочна, што ўсё, што датычыць спіса выбаршчыкаў, і нават сам бланк такога спісу фактычна засакрэчаны. На жаль трэба адзначыць, што выбары ў нас больш нагадваюць сакрэтную спецаперацыю, што ніяк не стасуецца з міжнародным прынцыпам празрыстасці ўсяго выбарчага працэсу”.

Паводле кампаніі “Праваабаронцы за свабодныя выбары”.

Кастрычнік 2018
Пн Аў Сер Чц Пт Сб Ндз
« Вер    
1234567
891011121314
15161718192021
22232425262728
293031  
© 2011 - 2018 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.