Партыя БНФ » Працягваецца перасьлед моладзі за збор подпісаў за адукацыю па-беларуску
Партыя БНФ - партыя абароны народных інтарэсаў


Працягваецца перасьлед моладзі за збор подпісаў за адукацыю па-беларуску

Дададзена 30.03.2018 9:31:41 | 471 праглядаў

Суд Савецкага раёну Менску аштрафаваў актывістку «Моладзі БНФ» Аляксандру Патапаву на 10 базавых велічынь (245 рублёў) за збор подпісаў у падтрымку беларускай мовы 21 лютага 2018 года. Суд палічыў, што дзяўчына парушыла закон аб масавых мерапрыемствах – арт 23.34 КоАП.

78Сваю віну Аляксандра Патапава не прызнала і будзе абскарджваць дадзены прысуд, паведамляе суполка «Моладзі БНФ» у Фэйсбуку.

Як распавяла Радыё Свабода Аляксандра Патапава, суд прызнаў яе вінаватай ва ўдзеле ў несанкцыянаваным масавым мерапрыемстве і аштрафаваў паводле першай часткі адміністрацыйнага артыкула 23.34. У Міжнародны дзень роднай мовы 21 лютага Патапава разам зь іншымі сябрамі Моладзі БНФ зьбірала подпісы ў падтрымку беларускай мовы і за стварэньне Нацыянальнага ўнівэрсытэту з навучаньнем па-беларуску.

Раней да штрафаў за збор подпісаў, які суды трактуюць як «несанкцыянаванае масавае мерапрыемства», таксама былі асуджаныя Павал Пракаповіч, Ягор Сергіенка, Раман Ганчароў, Наста Гусева і Дзяніс Мандзік.

Нагадаем, напрыканцы лютага Зміцер Дашкевіч ініцыяваў збор подпісаў за беларусізацыю адукацыі і стварэнне беларускамоўнага ўніверсітэту. Падчас акцыі было сабрана 2000 подпісаў. Дашкевіч перадаў іх у Міністэрства адукацыі. Шэраг удзельнікаў акцыі пасля былі прыцягнутыя да адміністратыўнай адказнасці паводле арт. 23.34 КоАП (парушэнне закону аб масавых мерапрыемствах).

26 сакавіка кіраўнічку Моладзі БНФ Ганну Смілевіч аштрафавалі на 15 базавых велічынь (367,5 рублёў) – паведамляе тэлеканал Белсат. Старшыні Моладзі БНФ судовая пастанова прыйшла па пошце — на суд яе не запрасілі.

Кастрычнік 2018
Пн Аў Сер Чц Пт Сб Ндз
« Вер    
1234567
891011121314
15161718192021
22232425262728
293031  
© 2011 - 2018 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.