Партыя БНФ » Сябра Сойму БНФ Вольга Лагвіновіч папярэджаная судом за акцыю ў Заслаўі
Партыя БНФ - партыя абароны народных інтарэсаў


Сябра Сойму БНФ Вольга Лагвіновіч папярэджаная судом за акцыю ў Заслаўі

Дададзена 12.07.2018 12:02:52 | 662 праглядаў

11 ліпеня суд Маладзечанскага раёна разгледзіў адміністратыўную справу ў дачыненьні да сябры Сойму Партыі БНФ Вольгі Лагвіновіч, якая была абвінавачаная ва ўдзеле ў несанкцыянаваным масавым мерапрыемстве “Астравецкі шлях”, што абылося 26 траўня ў Заслаўі.

Асаблівасьцю разгледжанай судом справы было тое, што масавай акцыі 26 траўня ў Заслаўі фактычна не было – арганізатары падавалі мясцовым уладам заяўку на правядзеньне мітынгу, прысьвечанага наступствам аварыі на Чарнобыльскай АЭС і пагрозам, зьвязаным з будаўніцтвам АЭС у Астраўцы. Аднак дазволу на правядзеньне акцыі мясцовыя ўлады не далі.

Таму акцыя складалася з наведваньня розных памятных месцаў горада з расповедамі пра гісторыю Заслаўя і круглага стала па атамнай праблематыцы. Агулам былі задзейнічаныя каля двух дзясяткаў палітыкаў і грамадзкіх актывістаў з дэмакратычных арганізацый. Аднак міліцыянты ўсё роўна склалі пратаколы за «парушэньне парадку арганізацыі або правядзеньня масавых мерапрыемстваў» паводле артыкулу 23.34 КаАП у даыненьні да ўдзельнікаў круглага стала: актывістаў  Партыі БНФ Вольгі Лагвіновіч, Яна Лагвіновіча, Ігара Лялькова, Вячаслава Сіўчыка, Марыны Найдзіч, а таксама намесьніка старшыні Беларускай Партыі “Зялёныя” Зьміцера Кучука.

Сёлета аргкамітэт «Чарнобыльскага шляху», які штогод праходзіць 26 красавіка ў гадавіну аварыі на ЧАЭС, вырашыў праводзіць акцыі кожны месяц 26-га чысла ў гарадах, разьмешчаных паміж Менскам і Астраўцом — Заслаўі, Радашкавічах, Маладэчне, Вялейцы, Смаргоні, Ашмянах.  Сэрыя акцый мае завершыцца 26 лістапада ў Астраўцы.

П36931396_1402176509882129_8395517163565219840_nры такіх абставінах няма нічога дзіўнага, што ў судзе Маладзечанскага раёна пры разглядзе справы ў дачыненьні да сябры Сойму Партыі БНФ Вольгі Лагвіновіч міліцыянты мелі складанасьці ў прадстаўленьні доказаў правапарушэньня. Дастаткова сказаць, што на першапачаткова прызначаны на 10 ліпеня судовы разгляд сьведкі-міліцыянты ўвогуле не з’явіліся.

Калі ж 11 ліпеня сьведкі-міліцыянты ўсё ж наведалі суд, іх паказаньні відавочна сьведчылі пра адсутнасьць складу правапарушэньня ў дзеяньнях асобаў, на якіх былі складзеныя адміністратыўныя пратаколы.

Сябра Сойму Партыі БНФ Кацярына Шуст, якая назірала за судовым працэсам, прыводзіць красамоўны прыклад таго, як у беларускім судзе сьведкі-міліцыянты даводзяць вінаватасьць у справах у дачыненьні да актывістаў апазыцыі:

Суд: У чым выяўляўся актыўны ўдзел Лагвіновіч?
Сьведка-міліцыянт: Ва ўдзеле ў мерапрыемстве.
Суд: А ў чым праяўлялася актыўнасць?
Сьведка-міліцыянт: Затрудняюся атвеціць…

“У цэлым судовы працэс над Вольгай Лагвіновіч выглядаў вельмі сьмешна” – робіць выснову Кацярына Шуст.

Тым не меньш, нягедзячы на відавочна непераканаўчыя доказы, суд Маладзечанскага раёна прызнаў сябра Сойму Партыі БНФ Вольгу Лагвіновіч вінаватай ў парушэньні парадка правядзеньня масавых мерапрыемстваў і прысудзіў ёй адміністратыўнае спагнаньне ў выглядзе папярэджаньня.

zaslaye-astravec-1

Круглы стол у Заслаўі 26 траўня па тэме будаўніцтва Астравецкай АЭС.

Лістапад 2018
Пн Аў Сер Чц Пт Сб Ндз
« Кас    
 1234
567891011
12131415161718
19202122232425
2627282930  
© 2011 - 2018 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.