Партыя БНФ » Адказ на петыцыю Моладзі БНФ: закона пра абарону жывёлаў пакуль не будзе
Партыя БНФ - партыя абароны народных інтарэсаў


Адказ на петыцыю Моладзі БНФ: закона пра абарону жывёлаў пакуль не будзе

Дададзена 22.07.2018 9:48:04 | 680 праглядаў
Як вынікае з адказу парламенту на зварот, ініцыяваны Моладдзю БНФ, анансаваны ўладамі закон “Аб абыходжанні з жывёламі” не знаходзіцца на разглядзе ў парламенце – адпаведны законапраект, які знаходзіўся ў парламенце ад 2015 года, быў адкліканы ўрадам 12 красавіка бягучага года.

котэ12 чэрвеня 2018 Моладзь БНФ выклала на petitions.by зварот да Міністэрства прыродных рэсурсаў і аховы навакольнага асяроддзя Рэспублікі Беларусь, Палаты прадстаўнікоў сходу Рэспублікі Беларусь з просьбай заканадаўча забараніць выкарыстанне жывёл у цырку, дэльфінарах, а таксама цалкам забараніць выкарыстанне перасоўных заапаркаў, а таксама неадкладна выпусціць усіх жывёл, якія выкарыстоўваюцца ў індустрыі забавак у нашай краіне.

18 ліпеня актывісты атрымалі адказ на свой зварот з Палаты прадстаўнікоў, дзе паведамляецца, што праект Закона Рэспублікі Беларусь «Пра абыходжанне з жывёламі» лістом ад 12 красавіка 2018 года адкліканы Ўрадам Рэспублікі Беларусь для дапрацоўкі, таму прапановы скіраваны ў Савет Міністраў Рэспублікі Беларусь для разгляду і па магчымасці ўліку.

3ab1ba330046b9934422e0175c303b20

На дадзены момант пад петыцыяй, якая была ініцыяваная Моладдзю БНФ, сабрана больш як 500 подпісаў.

Нагадаем, што пад ціскам грамадзкасці законапраект “Аб абыходжанні жывёламі” быў уключаны ў плян падрыхтоўкі на 2015 год. Была створаная адмысловая рабачя група з удзелам зацікаўленых арганізацыяў грамадзянскай супольнасці і шэрагу профільных міністэрстваў. Аднак, распрацаваная рабочай групай канцэпцыя законапраекта была адкінутая і ў выніку ўрад вырашыў вярнуцца да старога законапраекта, які раней выносіўся на разгляд парламенту яшчэ ў 2011 г. (але не прайшоў другога чытаьня). Гэта законапраект быў істотна дапрацаваны, да кансультацыяў далучыліся зааабаронцы, вэтэрынары, кінолагі ды іншыя спэцыялісты, але вядучым распрацоўшчыкам недарэчна было прызначнае міністэрства жыллёва-камунальнай гаспадаркі.

У выніку быў распрацаваны комплексны дакумэнт, які вызначае правы і абавязкі ўладальнікаў жывёлаў, а таксама рэгулюе пытаньні ўтрымання жывёлаў у хатніх умовах, у тым ліку рэгістрацыі і ўліку жывёлаў, іх ідэнтыфікацыі, разьвядзення, выгулу і пахавання, пытанні рэгулявання колькасці безнаглядных жывёлаў, у тым ліку адлоў, утрыманне ў пунктах часовага ўтрымання і прытулках, стэрылізацыю, вызначаныя кантрольныя (наглядныя) функцыі ў галіне абыходжання з жывёламі, а таксама адказнасць за парушэнне заканадаўства аб абыходжанні з жывёламі.

Аднак, нягледзячы на абгрунтаваньне зааабарончых арганізацыяў, а таксама Міністэрства замежных справаў (якое таксама з’яўляецца адным з распрацоўшчыкаў), пазыцыя адносна артыкулу “Абмежаванне колькасці жывёлаў, якія ўтрымліваюцца ў хатніх умовах” была праігнараваная беспадстаўна, на думку зааабаронцаў, многімі міністэрствамі і ведамствамі. Апроч таго, пад сумнеў ставіцца норма, якая ўсталёўвае абавязковае чыпаваньне жывёлаў.

Урэшце рэшт увосень 2015 году законапраект быў унесены ўрадам у парламент. Увесну 2016 году законапраект быў вынесены на грамадскае абмеркаванне, грамадзяне і няўрадавыя арганізацыі скіравалі вялікую колькасць прапановаў па яго ўдасканаленні. Але ніякай інфармацыі пра вынікі абмеркавання, альбо нейкага абагульнення заўвагаў, якія паступілі, распрацоўшчыкі законапраекта не зрабілі.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Студзень 2019
Пн Аў Сер Чц Пт Сб Ндз
« Сне    
 123456
78910111213
14151617181920
21222324252627
28293031  
© 2011 - 2019 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.