Партыя БНФ » Намесьніку старшыні БНФ Лукашэвічу забаронены выезд з Беларусі
Партыя БНФ - партыя абароны народных інтарэсаў


Намесьніку старшыні БНФ Лукашэвічу забаронены выезд з Беларусі

Дададзена 01.08.2018 9:00:01 | 574 праглядаў

Намеснік старшыні Партыі БНФ і былы кіраўнік Моладзі БНФ Юрась Лукашэвіч паведаміў карэспандэнту Радыё Рацыя, што з яго да гэтага часу з яго не знялі абмежаванні па выезде за мяжу і патрабуюць заплаціць грошы БДУ.

Юрась Лукашэвіч Моладзь БНФНагадаем, што былы лідар Моладзі БНФ Юрась Лукашэвіч быў адлічаны з гістарычнага факультэта БДУ вясной мінулага года. Сам ён называў гэта палітычным адлічэннем.

Тры месяцы таму намесніка старшыні Партыі БНФ знялі з цягніка па дарозе ў Кіеў. Тады памежнікі паведамілі Лукашэвічу, што да яго ёсць прэтэнзіі ў Белдзяржуніверсітэта, а таму пакідаць межы Беларусі забаронена.

Юрась Лукашэвіч: Наўрад ці буду аднаўляцца ў БДУ, хачу падаць дакументы ў Менскі каледж прадпрымальніцтва, у якім раней ужо навучаўся. Але праблемы з Бедзяржуніверсітэтам застаюцца, таму да гэтага часу я лічуся невыязным.

Радыё Рацыя: Засталіся грашовыя запазычанасці?

Юрась Лукашэвіч: Калі 3 мая гэтага года памежнікі знялі мяне з цягніка па дарозе ў Кіеў, я па вяртанні дадому пачаў разбірацца што і да чаго. Высветлілася, што па рашэнні суда, на якім я, дарэчы не прысутнічаў, павінен яшчэ даплаціць БДУ нейкія 400 рублёў і плюс пеню – 200 рублёў. Нават не ведаю, адкуль узялася гэтая сума. У той тэрмін, калі мяне адлічвалі з універсітэта, пачыналася аплата за наступны семестр, можа быць, гэтыя грошы дадалі? Натуральна, пасля адлічэння я нічога не плаціў, але ж усё роўна нешта патрабуюць праз суд.

Радыё Рацыя: Будзеце плаціць гэтыя грошы?

Юрась Лукашэвіч: Так, бо не магу выехаць па справах за мяжу. Судовыя выканаўцы ў гэтых справах нават разбірацца не будуць. Таму суму заплачу, але затым мае адвакаты будуць ужо разбірацца, наколькі законна патрабаванне БДУ.

Паводле Беларускага Радыё Рацыя

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Чэрвень 2019
Пн Аў Сер Чц Пт Сб Ндз
« Тра    
 12
3456789
10111213141516
17181920212223
24252627282930
© 2011 - 2019 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.