Партыя БНФ » Прысуд па Курапатах будзе абскарджаны ў Камітэт ААН па правах чавлавека
Партыя БНФ - партыя абароны народных інтарэсаў


Прысуд па Курапатах будзе абскарджаны ў Камітэт ААН па правах чавлавека

Дададзена 01.09.2018 12:02:30 | 409 праглядаў

31 жніўня ў Менскім гарадзкім судзе была разгледжаная скарга старшыні Партыі БНФ Рыгора Кастусёва.

Палітык патрабаваў ад суду вышэйшай інстанцыі скасаваньня рашэньня суда Партызанскага раёну Менску ад 4 ліпеня, які пакараў Рыгора Кастусёва шрафам на 735 рублёў па арыкуле 23.34 Кодэкса аб адміністратыўных правапарушэньнях.

Падставай для адміністратыўнага спагнаньня стаўся ўдзел Рыгора Кастусёва ў пікетаваньні забаўляльна-рэстарацыйнага комплексу “Поедим, поедим”, што пачаў функцыянаваць паблізу ад месца масавых растрэлаў ахвяраў бальшавісцкіх рэпрэсіяў у Курапатах.

Рашэньнем суддзі мінскага гарадзкога суда Максима Лапко рашэньне суда Партызанскага раёну Менску ад 4 ліпеня  ў дачыненьні да Рыгора Кастусёва было пакінутае без зьменаў, скарга палітыка была не задаволеная.

Сёняшняе адмоўнае рашэньне па скарзе старшыня Партыі БНФ Рыгор Кастусёў пракамэнтаваў наступным чынам:

sdr- Мы не мелі ілюзіяў адносна таго, што гарадзкі суд асьмеліцца адмяніць рашэньне раённага суду – і тая і другая інстанцыя ў аднолькавай ступені залежныя ад выканаўчай улады. Але я лічу важным праходжаньне ўсіх нацыянальных узроўняў абскарджваньня для таго, каб справа аб маім незаконным арышце была вынесеная на міжнародны разгляд у Камітэце ААН па правах чалавека. Мы з юрыстам магілёўскага аддзяленьня Праваабарончага цэнтру “Вясна” Барысам Бухелям ужо падрыхтавалі праект скаргі, якая будзе бліжэйшым часам скіраваная ў камітэт ААН па правах чалавека па факце парушэньня свабоды сходаў, што гарантаваная Міжнародным пактам аб грамадзянскіх і палітычных правах.

Натуральна, афіцыйны Менск ігнаруе шматлікія рашэньні Камітэту ААН па правах чалавека, датычныя парушэньняў правоў і свабодаў грамадзянаў, якія зьдзяйсьняюцца ўладамі Беларусі.

Аднак менавіта цяпер і менавіта па справах датычных свабоды сходаў падобныя скаргі маюць вялікае значэньне з той прычыны, што на 8 кастрычніка ў Камітэце ААН па правах чалавека прызначаны разгляд справаздачы Беларусі аб выкананьні міжнароднага пакта аб грамадзянскіх і палітычных правах. Наш урад упершыню за 20 гадоў накіраваў сваю справадачу ў гэты орган – і, як чакаецца, наш МЗС рыхтуецца распавесьці ў Жэневе пра “нечуваны прагрэс у галіне правоў чалавека”.

Рыхтуючы скаргу па факце маяго незаконнага арышту і адміністратыўнага пакараньня за ўдзел у мірным негвалтоўным сходзе я намагаюся перашкодзіць нашым уладам стварыць перад ААН прыгожую карцінку “паляпшэньня становішча з правамі чалавека”. Мы бачым, што ў гэтым годзе рэпрэсіі ўзмацніліся, і хочам прыцягнуць увагу увагу міжнароднай грамадзкасьці да гэтай праблемы.

Нагадаем, што старшыня Партыі БНФ Рыгор Кастусёў быў брутальна затрыманы 3 ліпеня падчас паездкі на міжнародную канфэрэнцыю ў польскім Сэйме. Паплечнікі па партыі ведалі, што з дому выехаў, але ў Варшаве не зьявіўся. Тэлефон палітыка быў адключаны. На насупны дзень палітык быў пакараны шрафам за парушэньне парадку арганізацыі масавых мерапрыемстваў падчас абароны Курапатаў.

dav

Лістапад 2018
Пн Аў Сер Чц Пт Сб Ндз
« Кас    
 1234
567891011
12131415161718
19202122232425
2627282930  
© 2011 - 2018 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.