Партыя БНФ » Лідэр БНФ Рыгор Кастусёў падаў скаргу ў Камітэт ААН па правах чалавека
Партыя БНФ - партыя абароны народных інтарэсаў


Лідэр БНФ Рыгор Кастусёў падаў скаргу ў Камітэт ААН па правах чалавека

Дададзена 24.09.2018 9:39:07 | 854 праглядаў

Інтарэсы старшыні Партыі БНФ Рыгора Кастусёва ў Камітэце ААН па правах чалавека абараняе магілёўскі праваабаронца Барыс Бухель.

Dn3pK6rXoAAKPvj.jpg largeСтаршыня Партыі БНФ Рыгор Кастусёў сцвярджае, што дзяржава двойчы за апошнія два гады паквапілася на ягоную свабоду ўдзелу ў мірных сходах.

У 2016 годзе за мітынг на Дзень Волі ў Мінску суд Савецкага раёна аштрафаваў яго на 20 базавых велічыняў (420 рублёў) штрафу.

У ліпені 2018 года суд Партызанскага раёна аштрафаваў Рыгора Кастусёва на 35 базавых велічыняў (735 рублёў) за ўдзел у акцыі пратэсту супраць дзейнасці забаўляльнага комплексу «Поедем поедим» побач з месцам пахавання ахвяр палітычных рэпрэсій у Курапатах.

Палітык лічыць, што ў абодвух выпадках было парушана яго права на свабоду мірных сходаў.

– Я звяртаў увагу судоў, што мне пастаўлены ў віну толькі сам факт удзелу ў масавых мерапрыемствах. Мне не выстаўленыя абвінавачанні, што я сваім «удзелам» і якімі-небудзь сваімі дзеяннямі, камандамі і тлумачэннямі парушыў грамадскі парадак або якія-небудзь правы і свабоды іншых асоб, або паквапіўся на іх рэпутацыю, або пагражаў нацыянальнай бяспецы, здароўю і маральнасці насельніцтва, – паведаміў Кастусёў ў скарзе.

Інтарэсы старшыні Партыі БНФ абараняе магілёўскі праваабаронца Барыс Бухель. Ён са шкадаваннем адзначыў, што на ўзроўні беларускай дзяржавы Рыгору Кастусёву сваю правату даказаць не ўдалося, бо ўлады не выконваюць сваіх міжнародных абавязацельстваў. Затое на ўзроўні Камітэта па правах чалавека ААН, упэўнены праваабаронца, атрымаецца дамагчыся поспеху:

– КПЧ прыняў ужо дзясяткі рашэнняў па падобных кейсах. Заўсёды ён уставаў на бок грамадзян, паколькі дзеючае нацыянальнае заканадаўства і дзеянні ўладаў не даюць беларусам паўнавартасна скарыстацца правам на свабоду мірных сходаў, – заявіў Барыс Бухель.

Скарга ў Жэневу, дзе месціцца офіс Камітэта ААН па правах чалавека, была адпраўленая 24 верасня.

Паводле рэгіянальнага сайта “Правы чалавека ў Магілёве

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Снежань 2019
Пн Аў Сер Чц Пт Сб Ндз
« Ліс    
 1
2345678
9101112131415
16171819202122
23242526272829
3031  
© 2011 - 2019 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.