Новым кіраўніком Моладзі БНФ абраны Дзяніс Мандзік

25 верасьня Рада Моладзі БНФ абрала новага кіраўніка арганізацыі – ім стаў Дзяніс Мандзік з Барысава.

Дзяніс Мандзік

У адпаведнасці з новым парадкам абрання кіраўніцтва Моладзі БНФ старшыню абірае Рада, якая фармуецца з вылучаных на сходах прадстаўнікоў рэгіянальных структураў.

На пасаду кіраўніка арганізацыі права вылучыцца меў любы сябра арганізацыі, які дасягнуў 18-гадовага ўзросту. На гэтую пасаду прэтэндавала 3 кандыдата: Максім Бондар(Гродна), Дзяніс Мандзік (Барысаў), Ягор Сергіенка (Мінск). Пры таемным галасаванні большасць сябраў Рады ( 67%) падтрымала Мандзіка Дзяніса.

Такім чынам новым кіраўніком арганізацыі стаў Дзяніс Мандзік.

Спадар Дзяніс у шэрагах Моладзі БНФ ад 2015 году, дагэтуль займаў пасаду намесьніка кіраўніка арганізацыі.

Лізавета Шумякова

Згодна новымі правіламі працы кіраўніцтва кіраўнік пасля свайго абрання прызначае намесніка кіраўніка са складу Рады(які мае тыя ж самыя абавязкі і паўнамоцтвы, што і старшыня і ў выпадку неабходнасці замяняе кіраўніка часова ці да наступных выбараў). Намеснікам арганізацыі стала Лізавета Шумякова з Магілёву.

У бліжэйшы час Рада павінна арганізаваць Кангрэс Моладзі БНФ (раней кіруюччым органам Моладзі з’яўляўся З’езд) на які збяруцца прадстаўнікі ўсіх арганізацыйных структур Моладзі БНФ, каб абмяркаваць і прыняць новую стратэгію і план развіцця арганізацыі.

Перад новым кіраўніцтвам стаіць задача стварэння новых рэгіянальных структур Моладзі БНФ, павелічэнне колькасці актывістаў, іх палітычная адукацыя і арганізацыі бягучай дзейнасці Моладзі БНФ.

Дзяніс Мандзік і Ганна Смілевіч падчас збору подпісаў у падрымку беларускамоўнай адукацыі

Дзяніс Мандзік зьмяніў на пасадзе кіраўніка маладзёвага крыла БНФ Ганну Смілевіч (Пахолка), якая была першай дзяўчынай-лідэркай Моладзі БНФ. Спадарыня Ганна застаецца сябрам Рады маладзёвага крыла Фронту. Раней кіраўнікамі Моладзі БНФ былі Алесь Каліта, Франак Вячорка, Андрусь Крэчка, Юрась Лукашэвіч.