Партыя БНФ » На перапісе насельніцтва Беларусі адзначай роднай мовай – беларускую!
Партыя БНФ - партыя абароны народных інтарэсаў


На перапісе насельніцтва Беларусі адзначай роднай мовай – беларускую!

Дададзена 26.05.2019 7:59:47 | 400 праглядаў

У кастрычніку 2019 году ў нашай краіне пройдзе чарговы перапіс насельніцтва.

Pierapis_833x833_музыка

Сярод пытаньняў (нумар 12 і 13), на якія трэба будзе адказаць падчас перапісу, будзе і пытаньне пра вашую родную мову. Адказ мае не толькі сімвалічнае, але і практычнае значэньне.

Ад колькасьці людзей, якія ў адказах назавуць беларускую мову, будзе залежаць далейшая палітыка дзяржавы. Адказам «беларуская» вы станоўча паўплываеце на яе.

Гаворыць старшыня Берасьцейскай абласной арганізацыі Партыі БНФ Зьміцер Шыманскі:

- Выпадковых пытаньняў падчас перапісу не задаюць. Усе гэтыя зьвесткі пасьля будуць выкарыстоўвацца і навукоўцамі для дасьледаваньняў, і дзяржаўнымі ўстановамі для таго каб карэктаваць сваю палітыку. Таму канешне, натуральна – хлусіць ня трэба: трэба проста ўспомніць, чаму вас вучыла маці, што вы чулі, калі прыяжжалі да бабулі ў вёску, і кажаць шчыра, што вашая першая родная мова – гэта беларуская мова.

У адмысловым праекце Беларускага Радыё Рацыя пра важнасьць адзначэньня беларускай мовы ў якасьці роднай падчас маючага адбыцца перапісу насельніцва Беларусі разважаюць:  Валянцін Лазарэнкаў, Сяржук Русецкі, Алена Анісім, Аляксей Белы, Таццяна Кісель, Мікалай Падгайскі, Павел Дайлід, Таццяна Тарасевіч, Ераманах Вікенцій (Кавалькоў), Таісія Кабанчук, Надзея Батура, Алесь Краўцэвіч, Іван Помаз, Алесь Камоцкі, Наталка Харытанюк, Андрэй Мельнікаў, Клейнер Сямён, Протаіерэй Георгі Рой, Зміцер Вайцюшкевіч.

 Loga_perapis_big

Беларускія дзеячы заклікаюць грамадзян да выбару беларускай мовы як роднай у перапісе насельніцтва. У выказваннях пра родную мову нярэдка ўзгадваюцца дыялекты, якія нас адрозніваюць і аб’ядноўваюць адначасова.

Кажа тэолаг, рэлігіязнаўца Наталля Гарковіч:

– Калі мая палесская бабуля прыехала ў Менск і пайшла ў царкву, то падчас набажэнства было чытанне на беларускай мове. Яна прыйшла з царквы і сказала: „Слухатэ, я всэ разумію”. Нашы рэгіёны досыць адрозніваюцца адзін ад аднога. Але тым не менш, афіцыйная мова ўсё ж, мне падаецца, з’яўляецца для ўсіх нас роднай.

Любая мова існуе, калі ёсць яе дыялекты, лічыць гісторык, супрацоўнік Беларускай акадэміі навук Аляксандр Доўнар:

– Я стараюся гаварыць на тым дыялекце, на якім я вырас. Дзядуля і бабуля са мной гаварылі па-беларуску, і я лічу, калі я буду гаварыць не па-беларуску, не на маёй роднай мове, на якой са мной гаварылі мае бацькі і дзяды, то гэта пэўная непавага да іх.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Жнівень 2019
Пн Аў Сер Чц Пт Сб Ндз
« Ліп    
 1234
567891011
12131415161718
19202122232425
262728293031  
© 2011 - 2019 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.