Партыя БНФ » Кандыдатка ў дэпутаты ад БНФ у Берасьці выступіла заяўнікам мітынгу супраць акумулятарнага заводу
Партыя БНФ - партыя абароны народных інтарэсаў


Кандыдатка ў дэпутаты ад БНФ у Берасьці выступіла заяўнікам мітынгу супраць акумулятарнага заводу

Дададзена 07.11.2019 10:28:05 | 159 праглядаў

Сумесны мітынг у рамках перадвыбарчых агітацыйных кампаній вызначаюць тры вылучэнца ў парламент ад партыі левых «Справядлівы свет» і Партыі БНФ.

img_6171-833x400

Ірына Амельянчук

Па словах праваабаронцы Рамана Кісляка, мітынг «Не свінцоваму заводу!» у рамках сваіх перадвыбарчых агітацыйных кампаній вызначаюць вылучэнцы ў парламент ад Беларускай партыі левых «Справядлівы свет» Аляксандр Пась і Аляксандр Мельнік, ад Партыі БНФ —  Ірына Амельянчук.

Пась і Амельянчук балатуюцца па Брэсцкай-Цэнтральнай выбарчай акрузе № 2, Мельнік — па Брэсцкай-Усходняй выбарчай акрузе № 3.

«Давераныя асобы гэтых кандыдатаў 6 лістапада падалі ў Брэсцкі гарвыканкам апавяшчэнне аб правядзенні мітынгу. Ён намячаецца на пляцоўцы каля сцэны ў парку Воінаў-інтэрнацыяналістаў», — сказаў праваабаронца.

На мітынгу кандыдаты ў дэпутаты азнаёмяць выбарнікаў з галоўнымі пунктамі сваіх перадвыбарных праграм, у тым ліку патрабаваннем спыніць будаўніцтва і зачыніць акумулятарны завод пад Брэстам.

«Супраць гэтага прадпрыемства выступаюць усе непраўладныя кандыдаты ў дэпутаты, — адзначыў Кісляк. — пазбаўленнем рэгістрацыі кандыдатам у дэпутаты актывіста грамадскай кампаніі супраць акумулятарнага завода Уладзіміра Мароза ўлады спрабавалі прыбраць тэму гэтага пратэсту з парламенцкіх выбараў. Але гэтая тэма настолькі важная для рэгіёну, што прыбраць яе немагчыма. Брэсту пагражае экалагічная катастрофа».

Акумулятарны завод ТАА «АйПаўэр» узведзены на прамысловай пляцоўцы «Аэрапорт» у СЭЗ «Брэст». На заводзе плануецца наладзіць поўны цыкл вытворчасці свінцова-кіслотных акумулятарных батарэй. Жыхары Брэста і Брэсцкага раёна лічаць, што прадпрыемства пагражае іх здароўю. Актывісты выявілі шэраг парушэнняў пры рэалізацыі праекта. Праціўнікі завода збіраюцца з 25 лютага 2018 года кожную нядзелю на плошчы Леніна ў Брэсце.

Паводле газэты “Новы Час

Лістапад 2019
Пн Аў Сер Чц Пт Сб Ндз
« Кас    
 123
45678910
11121314151617
18192021222324
252627282930  
© 2011 - 2019 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.