Партыя БНФ » На Дні Волі ў Гародні паабяцалі раздаць «пашпарты БНР»
Партыя БНФ - партыя абароны народных інтарэсаў


На Дні Волі ў Гародні паабяцалі раздаць «пашпарты БНР»

Дададзена 04.02.2020 6:15:33 | 445 праглядаў

Дзень Волі ў Гародні плянуюць адзначыць у Калоскім парку 21 сакавіка. Арганізатары хочуць зьмяніць звычайны фармат мерапрыемства.

вадзім Саранчукоў - БНР101Як расказаў карэспандэнту Радыё Свабода адзін з арганізатараў сьвяткаваньня Дня Волі ў Горадні, намеснік старшыні БНФ і кіраўнік гарадзенскай фронтаўскай арганізацыі Вадзім Саранчукоў, папярэдне дамовіліся сьвяткаваць Дзень Волі ў Гародні ў суботу, 21 сакавіка, у Калоскім парку, дзе ладзіліся ўгодкі абвяшчэньня БНР у мінулыя гады.

Парк ля Каложы — паблізу ад цэнтру гораду, ён уваходзіць у сьпіс дазволеных месцаў, дзе можна ладзіць гарадзкія мерапрыемствы. Арганізатары ня мусяць прасіць у такім выпадку дазвол на імпрэзу, дастаткова даслаць гарадзкім уладам толькі апавяшчэньне. Дзень выбралі выходны, з такім разьлікам, каб усе ахвотныя маглі ўзяць удзел у абодвух сьвяткаваньнях: у Гародні і ў Менску 22 сакавіка.

Як і раней, плянуецца музычны канцэрт, выступы зь віншаваньнямі са сцэны. Але сёлета фармат сьвяткаваньня крыху зьменіцца.

«Мінулым разам мы акцэнтавалі ўвагу на сцэну, канцэрт. У гэтым годзе папярэдне абмяркоўваецца, што гэта будзе інтэрактыўны фэстываль, дзе асноўны націск будзе на тэматычныя пляцоўкі, на ўдзел людзей у працы пляцовак, на камунікацыю сярод удзельнікаў. Ня проста прыйсьці да сцэны, пастаяць, паслухаць, але і паўдзельнічаць у розных інтэракцыях», — кажа Вадзім Саранчукоў.

Як дадаў Саранчукоў, кожны ўдзельнік Дня Волі ў Гародні атрымае «пашпарт грамадзяніна БНР», асабліва актыўныя — «візу гарадзенца» ў гэты пашпарт, калі пройдуць пэўны квэст і выканаюць патрэбныя заданьні.

Тысячы чалавек на Дні Волі ў Горадні. ФОТАГАЛЕРЭЯ

Склад музыкаў і тэматыка пляцовак яшчэ вызначаюцца.

Чарговая арганізацыйная сустрэча плянуецца 11 лютага ў 18:30 у Цэнтры гарадзкога жыцьця. На яе запрашаюць усіх ахвотных. У гарадзенцаў будзе магчымасьць прапанаваць свае ідэі, як правесьці сьвята, і стаць ягонымі суарганізатарамі.

На арганізацыю імпрэзы, у тым ліку на аплату працы міліцыі і мэдыкаў, спатрэбіцца каля 15 тысяч рублёў. Краўдфандынгавую кампанію запусьцяць на наступным тыдні.

Тым часам на менскі мітынг-канцэрт, які хочуць правесьці 22 сакавіка, пачалі ўжо зьбіраць грошы.

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Ліпень 2020
Пн Аў Сер Чц Пт Сб Ндз
« Чэр    
 12345
6789101112
13141516171819
20212223242526
2728293031  
© 2011 - 2020 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.