Вылучэньне ў выбарчыя камісіі – да 21 чэрвеня

Да 21 чэрвеня адбываецца вылучэньне прадстаўнікоў у склад участковых выбарчых камісій. Запрашаем сябраў БНФ падаваць звесткі для вылучэньня ад арганізацыйных структур партыі і руху.

Арганізацыйныя структуры БНФ маюць магчымасьць вылучаць да двух прадстаўнікоў у кожную выбарчую камісію: па адным ад Партыі БНФ і Грамадскага аб’яднання БНФ “Адраджэньне” ва ўчастковыя камісіі Менску, Менскай, Віцебскай, Гомельскай вобласьці. Ва ўчастковыя камісіі на Магілеўшчыне, на Берасьцейшчыне і ў Гародні аргструктуры БНФ могуць вылучыць не больш за аднаго прадстаўніка ў кожную ўчастковую камісію .

Сябрам Партыі БНФ і ГА БНФ “Адраджэньне”, якія жадаюць патрапіць у выбарчыя камісіі, трэба зьвярнуцца ва ўправу БНФ на мэйл uprava@narodny.org. У лісце трэба пазначыць наступныя звесткі:

- прозвішча, імя, імя па бацьку

- дату нараджэньня

- месца працы і пасаду

- месца жыхарства

- кантактны тэлефон

- участак куды жадаеце вылучацца (калі ёсьць) з пазначэньнем населенага пункта (раёна).

Асобы, якія пакуль не з’яўляюцца сябрамі Партыі БНФ, могуць да 21 чэрвеня заявіць пра жаданьне быць вылучанымі ва ўчастковую камісію

- праз форму на сайце “Права выбару”, альбо

- даслаўшы да 21 чэрвеня заяву на ўступленьне ў БНФ паводле вызначнай формы на адрас uprava@narodny.org.