Партыя БНФ » Рыгор Кастусёў: заходнія ўрады забываюцца пра гарантыі незалежнасьці Беларусі, якія былі дадзеныя ў Будапэшцкім мэмарандуме
Партыя БНФ - партыя абароны народных інтарэсаў


Рыгор Кастусёў: заходнія ўрады забываюцца пра гарантыі незалежнасьці Беларусі, якія былі дадзеныя ў Будапэшцкім мэмарандуме

Дададзена 12.10.2020 12:23:00 | 545 праглядаў

Дыпламатычны скандал паміж Беларуссю і краінамі-суседкамі Літвой і Польшчай, ставіць уладу Лукашэнкі ў яшчэ большую арбіту імперскіх планаў Расеі. Санкцыі супраць чыноўнікаў закранулі глыбінныя стаўленні да Беларусі іншых краінаў, у тым ліку – суседкаў.

Хто ж вінаваты ў абвастрэнні стасункаў Беларусь-Захад? У канчатковым выніку – гэта дрэнна паўплывае на жыццё простых беларусаў, эканоміку, мяркуе палітык, публіцыст Сяргей Высоцкі:

– Адсутнасць еўрапейскіх крэдытаў і немажлівасць іх атрымаць беларускім бізнесам, і калі старшыня Еўракамісіі Уршуля фон дэр Ляен кажа, што яна вельмі шчаслівая, што нарэшце адкрытая дарога для санкцый у дачыненні да чыноўнікаў і сілавікоў, якія парушылі правы людзей, гэта выклікае вялікія пытанні. Чаму ж не было такога шчасця, калі яны ўводзілі санкцыі супраць пуцінскай Расеі за злачынствы непараўнальныя, несупастаўляльныя з тым, што робіць цяперашняя ўлада Беларусі, і з якой радасцю яны адкручваюць назад гэтыя санкцыі.

Беларускія патрыятычныя сілы ў выніку палітычнай гульні сталіся ахвярай у гамбіце для Еўразвязу, зрабіўшы стаўку на новыя, тры месяцы таму яшчэ невядомыя сілы на палітычным полі краіны.

Кажа Рыгор Кастусёў, лідар Партыі БНФ:

Рыгор Кастусёў 07- У кіраўнікоў заходніх краін ёсць нейкая боязь перад Крамлём. Вось гэтая боязь і імкненне залагодзіць Крэмль і складваецца ў тое, што многія палітыкі заходніх краінаў схіляюцца больш да людзей з новай палітычнай плыні. Пры гэтым забываючы пра свае абавязальніцтвы, напрыклад, пра Будапешцкі мемарандум, пра іншыя дамовы сваіх краінаў з Беларуссю. Забываючыся і пра абяцанні такім палітыкам як і я, у тым ліку, як Статкевіч ды іншыя, якія клапоцяцца пра незалежнасць краіны, якіх непакоіць менавіта такі стан развіцця падзеяў.

Цяпер адкрыта „скрыня пандоры”, – мяркуе Сяргей Высоцкі, – і будучыня Беларусі непрадказальная. Але, яшчэ не позна краінам Еўразвязу адкінуць пыху і звярнуцца да беларускай нацыянальнай эліты: Мілінкевіча, Кастусёва, Астроўскага, Пазьняка ды іншых, каб правесці супольныя кансультацыі для дзеянняў далей, каб была захаваная незалежная Беларусь.

Паводле Беларускага Радыё Рацыя

Верасень 2021
Пн Аў Сер Чц Пт Сб Ндз
« Жні    
 12345
6789101112
13141516171819
20212223242526
27282930  
Навіны Моладзі БНФ
© 2011 - 2021 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.