Партыя БНФ » Заява Зьезду БНФ: “Беларусь – Эўрапэйская нацыя!”
Партыя БНФ - партыя абароны народных інтарэсаў


Заява Зьезду БНФ: “Беларусь – Эўрапэйская нацыя!”

Дададзена 19.11.2020 12:02:22 | 631 праглядаў

Беларусь — эўрапейская нацыя!

Ухвала Зьезду Партыі БНФ ад 7 лістапада 2020 году

Belarus-EU-by-baneckiБеларускі народ прыцягнуў да сябе ў гэтыя месяцы ўвагу ўсяго сьвету. Беларусы гучна заявілі ня толькі на ўсю нашую краіну — на ўвесь сьвет аб сваім цьвёрдым жаданьні жыць у свабодзе і праўдзе, прадэманстравалі выключную стойкасьць, мужнасьць ды салідарнасьць у адстойваньні годнасьці, дэмакратыі, правоў ды свабодаў.

Адзінымі сымбалямі цяперашняга пратэсту зьяўляюцца беларускі нацыянальны бел-чырвона-белы сьцяг і старажытны герб Пагоня, а асноўнымі патрабаваньнямі — сумленныя выбары, спыненьне гвалту супраць народу, вяршынства закону.

Беларускі пратэст мае свой унікальны характар, разьвіцьцё і парадак дня, і пытаньні геапалітычнага выбару краіны не зьяўляюцца ягоным асноўным рухавіком. Толькі пасьля прызнаньня Масквой сфальсыфікаваных выбараў ды аказаньня Крамлём поўнай палітычнай і інфармацыйнай падтрымкі Аляксандру Лукашэнку, а таксама гатоўнасьці накіраваць расейскіх сілавікоў у Беларусь дзеля задушэньня пратэстаў, на мірных пасьлявыбарых дэмантрацыях зьявіліся лёзунгі супраць умяшаньня Расеі ва ўнутраныя справы Беларусі.

Тым большае абурэньне выклікаюць намаганьні Крамля ня толькі навязаць беларусам больш шчыльную інтэграцыю з аўтарытарнай Расеяй пад выглядам падтрымкі псэўда-рэформаў Канстытуцыі замест новых сумленных выбараў, але й імкненьне выставіць беларускі пратэсны рух у вачох як грамадзянаў Расеі, так і ўсяго сьвету як інсьпіраваны, фінансаваны і кіраваны Захадам нібыта дзеля разбурэньня постсавецкай рэінтэграцыі вакол Масквы.

У такой сітуацыі вялікае зьдзіўленьне ды расчараваньне выклікаюць таксама публічныя заявы асобных расейскіх і  эўрапэйскіх чыноўнікаў, у якіх яны спрабуюць ня толькі адмаўляць эўрапейскасьць беларускай нацыі, але й гаварыць ад імя беларускага народу аб нібыта жаданьні большасьці беларусаў да шчыльнай інтэграцыі з Расеяй.

Партыя БНФ заяўляе, што:

  • менавіта каштоўнасьці свабоды і дэмакратыі ляжаць у падмурку эўрапейскай цывілізацыі і эўраатлянтычнай супольнасьці;
  • многія выбітныя асобы гісторыі Беларусі ня проста былі апосталамі гэтых каштоўнасьцяў, але й адыгралі значную ролю ў іх станаўленьні ў агульнаэўрапейскім маштабе;
  • цяперашнія масавыя выступленьні беларусаў за свабоду і дэмакратыю, заснаваныя на прынцыпах самаарганізацыі, салідарнасьці, пошуку кампрамісу ды адмаўленьня гвалту як сродку палітычнай барацьбы, яны пераканаўча сьведчаць, што беларусы — гэта існая эўрапейская нацыя.

Як многія нацыі Ўсходняй Эўропы, што сёньня зьяўляюцца паўнавартаснымі сябрамі ЭўраЗьвязу, заўсёды былі эўрапейскімі, нават пад прыгнётам камуністычных рэжымаў, так і беларусы былі, ёсьць і будуць эўрапейскай нацыяй.

Партыія БНФ перакананая, што навязваньне беларусам саюзу з Масквой як з-за нашай усходняй мяжы, так і з Захаду можа істотна ўскладніць ды адкласьці ў часе перамогу свабоды і дэмакратыі ў Беларусі, аднак ня здолее спыніць вяртаньне беларусаў у сямью вольных эўрапейскіх нацыяў.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Студзень 2021
Пн Аў Сер Чц Пт Сб Ндз
« Сне    
 123
45678910
11121314151617
18192021222324
25262728293031
© 2011 - 2021 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.