Партыя БНФ » Старшыня Рады БНР Івонка Сурвіла віншуе беларусаў з Новым Годам
Партыя БНФ - партыя абароны народных інтарэсаў


Старшыня Рады БНР Івонка Сурвіла віншуе беларусаў з Новым Годам

Дададзена 31.12.2020 12:04:43 | 360 праглядаў

Старшыня Рады БНР Івонка Сурвілла накіравала віншавальны зварот да беларусаў з нагоды Калядаў і надыходзячага Новага году:

Дарагія мае суродзічы-беларусы,

Напярэдадні свята Боскага Нараджэння і надыходзячага Новага году звяртаюся да вас, мае дарагія сябры, каб сказаць вам, як я моцна ганаруся вамі, і з глыбіні сэрца пажадаць вам добрага, памыснага і здаровага 2021 году.

Дзякуючы вашаму гераізму і вашай годнасьці здабылі вы для Беларусі ў гэтым, 2020, годзе спецыяльнае месца ў сэрцах добразычлівых людзей усяго свету. Удзячная кожнаму з вас, хаця і баліць сэрца дзела пакутаў, якія вам прыйшлося перанесці.

Ваш уздым мне моцна дапамог перажыць асабістую бяду, якая мяне напаткала ў красавіку гэтага году — страту дачкі. За гэта таксама вам моцна ўдзячная.

Адначасна, ніколі не дарую ўзурпатару ўлады ў Беларусі за ягоны здзек над вамі. Не хапіла яму брутальна хапаць вас падчас вашых мірных пратэстаў на вуліцах беларускіх гарадоў. Каб захаваць уладу, прыдумаў новую форму генацыду свайго народу, перапаўняючы турэмныя камеры людзьмі, якія не мелі ніякай магчымасці абараніцца ад пандэміі каронавірусу. Тады, калі ў іншых краінах людзям забаронена спатыкацца бяз маскі нават са сваімі блізкімі, нашых людзей — нягледзячы на іх узрост, на пол ні на здароўе, — хапаюць, напаўняюць імі аўтазакі і адвозяць у турэмныя камеры, дзе няма магчымасці ані памыць рук, ані ўдыхнуць свежага паветра. Пра маскі няма і мовы. Такім чынам, заражаныя людзі перадаюць каронавірус не заражаным, а гэтыя апошнія разносяць хваробу людзям вакол іх. Цяжка сабе прадставіць нешта горшае і больш цынічнае за гэта — успамінаюцца хіба толькі газавыя камеры ў нацыстоўскіх лагерах!

І гэта ў XXI стагоддзі, нягледзячы на масу дагавораў у галіне здароўя і чалавечых правоў, падпісаных Рэспублікай Беларусь.

Дарагія мае суродзічы, гэты здзек вы перажылі, аднак, не дарэмна. Увесь свет бачыць, хто над вамі здзекуецца і ў якіх нялюдскіх умовах вам трэба жыць. А таксама бачыць, як годна вы сябе паводзіце. Прызнанне Пуцінам перамогі Лукашэнкі на выбарах 9 жніўня і абяцанне маскоўскага аўтакрата памагчы Лукашэнку ў выпадку патрэбы не пойдуць на карысць злачынцам.

З Божай помаччу, вы пазбудзецеся крывавага ўзурпатара ўлады.

Народ „выйшаў шчыльнымі радамі”, бараніць сваю зямлю. Не забудзе ён і не даруе перажытага здзеку. Вы даказалі, што страхам і сілаю вас ужо не перамагчы. І што вы, пасля доўгай няволі, адчулі сябе годнымі сынамі зямлі, якую перадалі вам вашы дзяды і прадзеды пасля стагоддзяў змагання за яе волю.

Веру, што разам мы пераможам усе цяжкасці і што каханы край наш, Беларусь, зойме сваё пачэснае месца ў сям’і вольных народаў свету.

Дык памажы Божа! Жыве Беларусь!

Івонка Сурвіла 2021

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Студзень 2021
Пн Аў Сер Чц Пт Сб Ндз
« Сне    
 123
45678910
11121314151617
18192021222324
25262728293031
© 2011 - 2021 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.