Партыя БНФ » Аляксей Янукевіч: “усебеларускі сход” не мае нічога агульнага з дыялогам
Партыя БНФ - партыя абароны народных інтарэсаў


Аляксей Янукевіч: “усебеларускі сход” не мае нічога агульнага з дыялогам

Дададзена 11.02.2021 12:22:38 | 436 праглядаў

Напярэдадні арганізаванага Аляксандрасм Лукашэнкам зборышча пад шыльдай “усебеларускага народнага сходу” намеснік старшыні Партыі БНФ Аляксей Янукевіч яшчэ раз патлумачыў стаўленьне партыі да гэтага мерапрыемства:

55246991_303— Гэта будзе агітацыйна-прапагандыскае мерапрыемства прыхільнікаў Аляксандра Лукашэнкі і таго курсу, які ажыццяўляе цяперашняя адміністрацыя.

Натуральна, БНФ катэгарычна ня згодны з рэпрэсіямі і гвалтам, з нападкамі на нацыянальную сымболіку, з заангажаваннем Расеі ва ўнутраныя беларускія справы.

Таму няма ніякіх падставаў нам накіроўваць сваіх прадстаўнікоў на гэтае мерапрыемства. Пры гэтым мы за агульнанацыянальны дыялог і заклікаем да яго. Аднак сход 11−12 лютага, відавочна, ня будзе і нават не плянуецца арганізатарамі як нейкая форма дыялогу, — сказаў TUT.BY намеснік старшыні партыі БНФ Аляксей Янукевіч.

Раней старшыня БНФ Рыгор Кастусёў казаў, што  “Лукашэнкаўскі сход – антыканстытуцыйная гаварыльня чыноўнікаў”:

- Ёсць шэраг патрабаванняў, пры выкананні якіх партыя БНФ гатова сесці за стол перамоваў з беларускімі ўладамі. Па-першае, гэта вызваленне ўсіх палітзняволеных. Па-другое, гэта расследаванне ўсіх фактаў гвалту да ўдзельнікаў мірных акцыяў. Па-трэцяе, распачаць крымінальныя справы ў дачыненні да тых, хто гэты гвалт учыніў. І гэтак далей. Усё гэта было накіравана і ў Палату прадстаўнікоў, і ў Савет Рэспублікі, а таксама агучана мною ў эфіры нацыянальнага тэлебачання, куды мяне запрашалі. Але з боку ўладаў я атрымаў адказ, што гэта не прапановы, а ўльтыматум, які для ўладаў невыканальны. Калі яны так гэта ўспрымаюць, то зразумела, што ніякіх перамоўных працэсаў там адбывацца не можа” – казаў Рыгор Кастусёў.

Афіцыйна ў сходзе возьме ўдзел амаль 2700 чалавек, з якіх 2400 дэлегаты, а астатнія – госці. У гэтым годзе на сход запрасілі і прадстаўнікоў некалькіх апазіцыйных партый (БНФ, БСДП, БСДГ, Справядлівы сьвет), але ўсе яны ўдзельнічаць у сходзе адмовіліся і патлумачылі чаму.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Сакавік 2021
Пн Аў Сер Чц Пт Сб Ндз
« Лют    
1234567
891011121314
15161718192021
22232425262728
293031  
© 2011 - 2021 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.