Партыя БНФ » Рыгор Кастусёў: “У Сочы Лукашэнка можа абмяняць незалежнасьць на датацыі”
Партыя БНФ - партыя абароны народных інтарэсаў


Рыгор Кастусёў: “У Сочы Лукашэнка можа абмяняць незалежнасьць на датацыі”

Дададзена 21.02.2021 11:18:32 | 291 праглядаў

Старшыня Партыі БНФ Рыгор Кастусёў заявіў пра небясьпеку перамоваў, якія прызначаныя паміж Аляксандрам Лукашэнкам і расейскім прэзыдэнтам Уладзімірам Пуціным на бліжэйшы панядзелак у Сочы.

расея турмаПаводле старшыні БНФ, цяперашняе кіраўніцтва Беларусі імкнецца здабыць у Расеі матэрыяльную падтрымку дзеля ўтрыманьня цяперашняга рэжыму, які не мае даверу народа і трымаецца адно на сіле прымусу і расейскіх датацыях. Аднак у абмен на падтрымку Крэмль патрабуе ад Менску незваротных крокаў па падпарадкаваньні Беларусі зьнешняму кантролю.

Пра гэта лідэр Партыі БНФ заявіў у сваім дакладзе аб палітычнай сытуацыі, выступаючы на Сойме Партыі БНФ, які адбыўся 20 лютага ў Менску:

- Лукашэнку патрэбныя крэдыты, паколькі старая расейская падтрымка ўжо праедзеная. Становішча ў эканоміцы надзвычай дрэннае, таму тэрмінова патрэбныя грошы – па іх Лукашэнка і едзе ў Сочы, бо цяпер апроч як у Расеі крэдытаў яму ніхто не дасьць. Эўрапэйскія крэдытныя лініі зачыненыя з-за ўнутранай палітыкі рэпрэсіяў, выкалачваць грошы з бізнэсу і насельніцтва да бясконцасьці немагчыма, а з Пуціным можна дамовіцца на новую падтрымку, ці, прынамсі, на растэрміноўку ранейшых крэдытаў. Але пытаньне – які будзе кошт такой дамовы для беларускага народа і беларускай дзяржавы.

Адрозьненьне цяперашняй сытуацыі ў тым, што Расеі цяпер мала завярэньняў ў братэрстве і саюзніцкіх стасунках – ім патрэбныя рэальныя саступкі, у тым ліку рэальныя кавалкі беларускага сувэрэнітэту. Іх мэта кантраляваць не толькі  цяперашнюю Беларусь (што ажыцьцяўляецца надзейна менавіта праз прарасейскую палітыку Лукашэнкі) але і важней – кантраляваць будучыню нашай краіны.

Расея пасьля Крыму адчувае патрэбу ў новых тэрытарыяльных захопах – і Беларусь, відавочна, адзін з патэнцыйных напрамкаў захопніцкай экспансіі.

Белапан - Рыгор Кастусёў 3Але таксама ў Расеі разумеюць, што любыя подпісы Лукашэнкі пад дакументамі і ягоныя абяцаньні нічога не вартыя, не легітымныя ў вачах беларускага народу – і здача сувэрэнітэту Лукашэнкам ніколі не будзе прызнаная за законны крок. Таму яны хочуць, каб Лукашэнка не проста здаваў кавалкі беларускай незалежнасьці, але рабіў гэта такім чынам, каб была забясьпечаная бачнасьць дэмакратычнасьці і законнасьці, што б дазволіла забясьпечыць кантроль над краінай і пасьля сыходу Лукашэнкі. Магчыма, гэта могуць зрабіць праз зьмены ў Канстытуцыі праз рэфэрэндум – ужо былі гаворкі з вуснаў міністра замежных справаў, што замацаванае ў Канстытуцыі імкненьне да нейтралітэту можна і прыбраць.

У вачах Лукашэнкі Канстытуцыя, таксама як і любы закон – гэта нікчэмная паперка, ён яе неаднаразова нахабна парушаў, перапісваў пад сабе, нават тую рэдакцыю, якую яму ў 1996 годзе напісалі. Таму ёсьць небясьпека, што ён бяздумна пагодзіцца на інсцэніроўку канстытуцыйнай рэформы і замацаваньне ў канстытуцыі падпарадкаванага статусу Беларусі як расейскай калёніі, пагадзіўшыся на гэта ў абмен на падтрымку цяперашняга рэжыму ў гэты складаны для яго момант.

Аляксандр Лукашэнка хутчэй за ўсё ўжо пагадзіўся на падпісаньне той 31-й сакрэтнай дарожнай мапы, пра  якую стала вядома год таму. Падпісаньне гэтай дарожнай мапы пацягне за сабой вельмі негатыўныя наступствы для Беларусі. Ужо вядома, што падрыхтаваныя дакументы на працяг разьмяшчэньня ў Беларусі расейскіх вайсковых аб’ектаў (станцыі сувязі і радыёлякацыйнай станцыі). Цалкам верагодна, што ў бліжэйшы час паўстане пытанне пра прыняццё адзінай валюты – расейскай валюты на тэрыторыі Беларусі, адмова ад эканамічнага сувэрэнітэту. Ёсьць меркаваньне, што разглядаюцца пытаньні па размяшчэньню двух паўнавартасных вайсковых базаў Расейскай Фэдэрацыі на тэрыторыі Беларусі, датычных як авіяцыі, так і сухапутных, танкавых войскаў.

Сытуацыя надзвычай сур’ёзная, і пагроза для незалежнасьці Беларусі цяпер як ніколі вялікая – сказаў старшыня Партыі БНФ Рыгор Кастусёў.

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Сакавік 2021
Пн Аў Сер Чц Пт Сб Ндз
« Лют    
1234567
891011121314
15161718192021
22232425262728
293031  
© 2011 - 2021 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.