Партыя БНФ » Ва Ўшачах паставілі помнікі сябрам БНФ Васілю Быкаву і Рыгору Барадуліну
Партыя БНФ - партыя абароны народных інтарэсаў


Ва Ўшачах паставілі помнікі сябрам БНФ Васілю Быкаву і Рыгору Барадуліну

Дададзена 15.06.2021 10:02:31 | 895 праглядаў

У цэнтры Ушачаў на Віцебшчыне ўсталявалі бюсты выбітным нараджэнцам гэтых мясцін — літаратарам Васілю Быкаву і Рыгору Барадуліну. Абодва — ганаровыя грамадзяне Ушацкага раёна, а таксама заснавальнікі Беларускага Народнага Фронту, шматгадовыя сябры Партыі БНФ.

Быкаў і Барадулін - помнікі ва ЎшачахАўтар помнікаў творцам, якія нарадзіліся на Ўшаччыне — вядомы беларускі скульптар Ігар Засімовіч. Арганізацыяй займаўся грамадзкі актывіст Глеб Лабадзенка. У ягоным актыве цэлы шэраг рэалізаваных праектаў дзеля ўшанавання памяці выбітных гістарычных постацяў, у тым ліку манумент Тадэвушу Касцюшку ў Мерачоўшчыне, валун на магіле Рыгора Барадуліна, іншыя помнікі і барэльефы.

Рэалізацыя праекту прымеркаваная да дня нараджэньня народнага пісьменьніка Васіля Быкава, які будзе адзначацца празь некалькі дзён, 19 чэрвеня. Летась Глеб Лабадзенка абвясьціў збор сродкаў на выраб помнікаў, іх дастаўку і мантаж. Тады ж ён атрымаў дазвол ад Вушацкага райвыканкаму паставіць бюсты ў цэнтры гораду.

Помнікі «паўсталі цалкам на народныя грошы» – сотні людзей ахвяравалі разам больш за 11 000 даляраў, напісаў Глеб Лабадзенка ў сябе ў Фэйсбуку. Каб паставіць гэтая помнікі, яму спатрэбілася два гады: «усё магло зьдзейсьніцца і раней, каб не ўсюдыісная бюракратыя».

 

БыкаўВасіль Быкаў нарадзіўся ў вёсцы Бычкі на Вушаччыне 19 чэрвеня 1924 году. Удзельнічаў у баях на Паўднёва-Заходнім фронце. Двойчы паранены. Пасьля дэмабілізацыі ў 1947 годзе працаваў мастаком у горадзенскіх майстэрнях. Аднак у 1949-м яго зноў прызвалі ў войска, дзе ён праслужыў яшчэ 6 гадоў і толькі ў 1955-м звольніўся ў запас.

Працаваў літсупрацоўнікам газэты «Гродзенская праўда», сакратаром абласнога аддзяленьня Саюзу беларускіх пісьменьнікаў. У 1974 годзе Васіль Быкаў узнагароджаны Дзяржаўнай прэміяй СССР за аповесьці «Абэліск» і «Дажыць да сьвітаньня». У 1978 годзе пераехаў у Менск, абіраўся дэпутатам Вярхоўнага Савету, з 1989-га — народны дэпутат СССР. У 1990 годзе абраны кіраўніком Згуртаваньня беларусаў сьвету «Бацькаўшчына», адзін з заснавальнікаў Беларускага Народнага Фронту. Народны пісьменьнік БССР.

Пасьля прыходу да ўлады Лукашэнкі пачаліся нападкі на Быкава, цягам некалькіх гадоў літаратар жыў у Фінляндыі, Нямеччыне і Чэхіі. Вярнуўся на радзіму за месяц да сьмерці 22 чэрвеня 2003 году. Пахаваны на сталічных Усходніх могілках.

БарадулінРыгор Барадулін, сябра і аднадумца Васіля Быкава, нарадзіўся на хутары Верасоўка пад Вушачай 24 лютага 1935 году. Пасьля школы вучыўся на філялягічным факультэце БДУ, працаваў рэдактарам у розных газэтах і выдавецтвах. У сярэдзіне 1980-х у складзе дзяржаўнай дэлегацыі БССР браў удзел у сэсіі Генэральнай Асамблеі ААН.

Сябра Саюзу беларускіх пісьменьнікаў, адзін з стваральнікаў і кіраўнікоў Беларускага ПЭН-цэнтру, сябра Сойму БНФ, быў у кіраўніцтве Беларускага Фонду Сораса. Апошні, хто атрымаў званьне народнага паэта Беларусі.
Памёр 2 сакавіка 2014 году. Пасьля адпяваньня ў Чырвоным касьцёле ў Менску Рыгора Барадуліна пахавалі на радзіме побач з магілай маці, як таго і жадаў паэт.

Працэс усталяваньня помнікаў – у фатаздымках Радыё Свабода і Глеба Лабадзенкі:

993f8b94-9d86-48fa-87c7-e22b4b1a887c_w650_r0_s-o5fpb

c726e380-c4aa-430a-9945-c058196ee573_cx3_cy15_cw93_w1023_r1_s-xnqqq

0b6be29c-77e6-47fd-a041-50d406157079_w650_r0_s

201045774_3891312624328365_9134752310983685437_n

3156930e-db45-407a-81ef-052c1d0ab55e_w1023_r1_s

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Верасень 2021
Пн Аў Сер Чц Пт Сб Ндз
« Жні    
 12345
6789101112
13141516171819
20212223242526
27282930  
Навіны Моладзі БНФ
© 2011 - 2021 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.