Партыя БНФ » Орша: па крымінальнай справе быў затрыманы сябра Сойму БНФ, журналіст Ігар Казьмерчак
Партыя БНФ - партыя абароны народных інтарэсаў


Орша: па крымінальнай справе быў затрыманы сябра Сойму БНФ, журналіст Ігар Казьмерчак

Дададзена 09.07.2021 11:01:46 | 606 праглядаў

Раніцай 8 ліпеня быў затрыманы рэдактарсайта orsha.eu і сябра Сойму Партыі БНФ Ігар Казмерчак.

Ігар Казьмерчак Свабода8 ліпеня, каля 6 гадзін раніцы, у кватэру рэдактара сайта orsha.eu і сябры Сойму Партыі БНФ Ігара Казмерчака пагрукалі супрацоўнікі ДФР. У ходзе правядзення ператрусу ў Ігара канфіскавалі ноўтбук і мабільны тэлефон. Гэтаксама, адразу пасля ператрусу Ігара папрасілі праехаць з імі. Дзе ён знаходзіцца цяпер, і калі яго адпусьцяць, на дадзены момант незразумела – піша сайт orsha.eu.

Прыкладна ў той жа час праходзіў ператрус і канфіскацыя тэхнікі ў супрацоўніка сайта Дзяніса Дубкова, пасля допыту Дзяніс быў адпушчаны.

Па стане на 17 гадзін 8 ліпеня супрацоўнікі сайта атрымалі інфармацыю пра тое, што Ігар затрыманы на 72 гадзіны. Яму інкрымінуюць артыкул 341 КК РБ — апаганьванне збудаванняў і псаванне маёмасці і іншыя.

Абнаўленьне 11 ліпеня:   Галоўнага рэдактара сайту Orsha.eu Ігара Казьмерчака раніцай 11 ліпеня выпусьцілі зь ізалятару часовага ўтрыманьня.  Паводле сваякоў, ён пад падпіскай аб неразгалошваньні. Крымінальная справа, як пісалася раней, заведзена паводле факту «псаваньня маёмасьці» (нібыта на падставе справы аб размалёўваньні сьценаў), нейкіх іншых падрабязнасьцяў пакуль няма. Паплечнікі кажуць, што Ігар Казьмярчак пачуваецца добра, настроены пазытыўна.

Ператрусы ў рэдакцыях недзяржаўных мэдыя і ў журналістаў працягваюцца два дні. Прадстаўнікі сілавых структур наведалі рэдакцыі і (або) асобных журналістаў ня менш чым 12 СМІ. 8 і 9 ліпеня ў зоне цікавасці сілавікоў аказаліся «Наша ніва» (сайт nn.by, часопіс «Наша гісторыя», Менск), Intex-Press (Баранавічы), «Ганцавіцкі час», «Першы Рэгіён» (Ганцавічы), «Інформ-прогулка» (Лунінец), Media-Polesye (Пінск, Лунінец), Orsha.eu, «Брестская газета», «Виртуальный Брест», «Сильные новости» (Гомель), Onliner.by.

8 ліпеня па ўсёй Беларусі затрымалі ня менш за 15 прадстаўнікоў мэдыясфэры і грамадзкіх актывістаў, у тым ліку чатырох супрацоўнікаў «Нашай Нівы»: галоўнага рэдактара Ягора Марціновіча, рэдактара Андрэя Скурко, галоўнага бухгальтара Вольгу Раковіч і галоўрэда «Нашай гісторыі» Андрэя Дынько. Ягор Марціновіч быў затрыманы на 72 гадзіны па падазрэньні ў зьдзяйсьненьні злачынства па арт. 342 Крымінальнага кодэксу («арганізацыя ці падрыхтоўка дзеяньняў, што груба парушаюць грамадзкі парадак, ці ўдзел у іх»). Сайт «НН» заблякаваны рашэньнем Міністэрства інфармацыі на падставе апавяшчэньня Генпракуратуры.

У пятніцу таксама прайшлі ператрусы ў журналісткі з Бабруйска Марыны Маўчанавай і Анатоля Гатоўчыца з Гомля.

Вядома, што пасьля ператрусу бабруйскую журналістку Марыну Маўчанаву таксама дапыталі і адпусьцілі з падпіскай аб неразгалошваньні, паведамляе Беларуская асацыяцыя журналістаў.

Верасень 2021
Пн Аў Сер Чц Пт Сб Ндз
« Жні    
 12345
6789101112
13141516171819
20212223242526
27282930  
Навіны Моладзі БНФ
© 2011 - 2021 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.