Зьняволенага старшыню БНФ Рыгора Кастусёва перавялі ў турэмны шпіталь

Кіраўніка Партыі БНФ Рыгора Кастусёва рыхтуюць да апэрацыі – дзеля гэтага яго перавялі са з сьледчага ізалятара КДБ (“Амерыканка”) на “валадарку”. У няволі ён ужо сем месяцаў.

З СІЗА КДБ у турэмны шпіталь перавялі лідэра Партыі БНФ Рыгора Кастусёва, якога затрымалі ў красавіку разам з Аляксандрам Фядутам і Юрасём Зянковічам. Усіх трох абвінавачваюць у падрыхтоўцы да «змовы» супраць Лукашэнкі.

„Кастусёў шпіталізаваны, яго рыхтуюць да аперацыі. Самаадчуванне палітыка па-ранейшаму нездавальняючае. Ён пастаянна мае патрэбу ў медыцынскай дапамогі. Паляпшэнняў няма”, — паведаміла „Спутнику” ягоная адвакатка Інэса Аленская.

У кастрычніку зьявілася інфармацыя аб пагаршэньні здароўя Рыгора Кастусёва: у яго падазрэньне на анкалёгію і патрэбная тэрміновая апэрацыя, як казала яго дачка. Таксама ў верасьні Кастусёў перанёс ковід.