Партыя БНФ » Напярэдадні Дня Волі быў кінуты за краты Сяргей Стрыбульскі
Партыя БНФ - партыя абароны народных інтарэсаў


Напярэдадні Дня Волі быў кінуты за краты Сяргей Стрыбульскі

Дададзена 01.04.2022 10:44:38 | 1,357 праглядаў

У Менску напярэдадні свята 25 сакавіка быў затрыманы сябра Партыі БНФ Сяргей Стрыбульскі, былы фігурант справы “Белага Легіёна” (“справы патрыётаў” 2017 года).

sjarhej_strybulskiПраваабаронцам вядома, што 23 сакавіка спадара Стрыбульскага затрымалі, пры гэтым сілавікі яго збілі. У яго адбыўся ператрус. На наступны дзень — 24 сакавіка — Сяргею прысудзілі 15 дзён адміністрацыйнага арышту. Па якім артыкуле — невядома. Цяпер яго трымаюць у ІЧУ на завулку Акрэсьціна. Пакуль дакладна невядома, у якім статусе знаходзіцца спадар Стрыбульскі і ў межах якой справы яго затрымалі.

Сяргея Стрыбульскага затрымлівалі летась увосень паводле абвінавачання ва ўдзеле ў пратэстах, тады ў яго забралі тэхніку і «пратэставую» сымболіку.

Раней Сяргей Стрыбульскі быў затрыманы вясной 2017-га, калі адбылася “зачыстка” былых сябраў “Белага Легіёна”. Тады ён правёў за кратамі 99 дзён і быў вызвалены — справу закрылі праз адсутнасць складу злачынства. Спачатку затрыманых абвінавачвалі ў падрыхтоўцы да “масавых беспарадкаў”, пасля – у “стварэнні незаконнага ўзброенага фармавання”. У выніку крымінальную справу закрылі за адсутнасцю складу злачынства. Стрыбульскі сярод іншых фігурантаў справы спрабаваў атрымаць кампенсацыю маральнай шкоды, але суд Маскоўскага раёна Менска вясной 2018-га адмовіў. Пасля гэтага быў зварот у Камітэт правоў чалавека ААН.

Тая справа «Белага легіёну» разгарнулася пасьля таго, як 21 сакавіка 2017 году Аляксандр Лукашэнка заявіў, што ў Беларусі «затрымалі дзясяткі баевікоў», якія «трэнаваліся ў лягерах са зброяй». Цягам некалькіх дзён стала вядома пра 35 затрыманых.

Снежань 2022
Пн Аў Сер Чц Пт Сб Ндз
« Ліс    
 1234
567891011
12131415161718
19202122232425
262728293031  
Навіны Моладзі БНФ
© 2011 - 2022 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.