Партыя БНФ » На магіле Вітольда Ашурка ў Бярозаўцы асьвяцілі помнік
Партыя БНФ - партыя абароны народных інтарэсаў


На магіле Вітольда Ашурка ў Бярозаўцы асьвяцілі помнік

Дададзена 12.11.2022 1:09:31 | 162 праглядаў

На асьвячэньне помніка на магіле Ашурка ў Бярозаўцы (Лідзкі раён Горадзенскай вобласьці), прыйшлі сваякі і сябры загінулага палітвязьня.

Ашурак - ПомнікКсёндз асьвяціў помнік на магіле Вітольда Ашурка. Да магілы прыйшлі родныя і сябры.

«Просім цябе, дабраславі гэты помнік, які мы ўзносім на магіле твайго слугі Вітольда. Адары яго сваёй бясконцай міласэрнасьцю і ўваскрасі яго цела для жыцьця ў хвале», — прамовіў сьвятар.

Прысутныя разам памаліліся і прасьпявалі гімн «Магутны Божа».

На старонцы памяці Вітольда Ашурка ў Facebook адзначаецца, што ксёндз Андрэй «цёпла падтрымаў маці Вітольда Ашурка» і сказаў, што часта ўзгадвае Вітольда і моліцца за яго.

Брат Вітольда Ашурка Андрэй паевдаміў BPN, што зрухаў у справе праверкі абставінаў сьмерці Вітольда няма.

«Афіцыйна ніякай інфармацыі там быць ня можа. Калі яны дадуць інфармацыю, то трэба ўсіх, хто гэта зрабіў, пакараць і пасадзіць туды, куды яны саджалі зьняволеных. Але злодзей злодзея ў турму не пасадзіць», — сказаў Андрэй Ашурак.

Ён перакананы: «Прыйдзе час, і прозьвішчы вінаватых [у гібелі брата] будуць названыя».

Вітольд Ашурак — грамадзка-палітычны дзяяч, сябра Сойму Партыі БНФ. Ня раз ўдзельнічаў у мясцовых і парлямэнцкіх выбарах, падымаў экалягічныя пытаньні, ушаноўваў паўстанцаў Кастуся Каліноўскага.

У верасьні 2020 году Ашурка затрымалі. 18 студзеня 2021 году суд Лідзкага раёну (судзьдзя Максім Філатаў) прысудзіў яму пяць гадоў калёніі агульнага рэжыму па абвінавачаньні ў «арганізацыі групавых дзеяньняў, якія груба парушаюць грамадзкі парадак», а таксама «гвалце або пагрозе ўжываньня гвалту ў дачыненьні да супрацоўніка органаў унутраных справаў» (арт. 342 і 364 КК адпаведна).

21 траўня 2021 года Ашурак памёр пры нявысьветленых абставінах у шклоўскай калёніі № 17 (Магілёўская вобласьць). Яму было 50 гадоў. У гадавіну яго сьмерці праваабарончы цэнтар «Вясна» аб’явіў Дзень палітвязьня.

 

Снежань 2022
Пн Аў Сер Чц Пт Сб Ндз
« Ліс    
 1234
567891011
12131415161718
19202122232425
262728293031  
Навіны Моладзі БНФ
© 2011 - 2022 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.