Пачатак > Навіны > У прэсе > Затрыманы Алесь Каліта, саслужывец падазраванага К.

 

Затрыманы Алесь Каліта, саслужывец падазраванага К.

25.04.2011
Алесь Каліта

Былы старшыня «Моладзі БНФ» Алесь Каліта затрыманы ў ноч з 23 на 24 красавіка гомельскімі міліцыянтамі.

Пра гэта Алесь паспеў паведаміць старшыню Партыі БНФ Аляксею Янукевічу, перадае прэс-служба партыі. У 00.20 ён атрымаў смс з незнаёмага нумара аб тым, што Алесь Каліта затрыманы. Алесь вяртаўся з Украіны і ехаў на пахаванне дзядулі.

Прычыны затрымання актывіста невядомыя. Але вядома, што

Алесь служыў у той жа вайсковай частцы пад Лепелем, што і меркаваны выканаўца тэракту Д.К.

Тамсама служыў і іншы палітрэкрут Іван Шыла.

Як вядома, праз гадзіну пасля тэракту на нарадзе Аляксандр Лукашэнка запатрабаваў ад сілавікоў: «Прааналізуйце, каму не падабалася стабільнасць».

«Я вас папярэджваў, што нам спакойнага жыцця не дадуць. Хто яны? І з адказам на гэтае пытанне прашу паспяшацца», — падкрэсліў Лукашэнка.

У сваім звароце да нацыянальнага сходу і парламента 21 красавіка ён, аднак, заявіў, што пакуль ні палітыкі, ні сувязі з крыміналітэтам за тэрактам не прасочваецца. Тым не менш, праваабаронцу з Віцебска, былога міліцыянта Паўла Левінава затрымалі «па падазрэнні ў датычнасці да тэракту», а ў дзяржаўных СМІ пракацілася хваля публікацый, якія ўвязвалі выбух з апазіцыяй.

***

Як стала вядома старшыні Партыі БНФ Аляксею Янукевічу, Алесь Каліта ўтрымліваецца ў ізалятары часовага затрымання. Сёння ў Чыгуначным судзе над ім павінен адбыцца адміністрацыйны суд за бойку.

Паводле "Нашай нівы"