Партыя БНФ

http://narodny.org/bnf/naviny/u_presie/747.shtml

Летнік Моладзі БНФ

Каля трох дзясяткаў чальцоў арганізацыі моладзевай арганізацыі Партыі БНФ сабраліся на штогадовы летнік на беразе ракі Стыр ва Ўкраіне.

Летнік

Каля трох дзясяткаў чальцоў арганізацыі моладзевай арганізацыі Партыі БНФ сабраліся на штогадовы летнік на беразе ракі Стыр ва Ўкраіне.

Мэтай летніка быў адпачынак і планаваньне далейшай дзейнасьці арганізацыі. Летнік праводзіўся сумесна з калегамі з украінскай арганізацыі “Нацыянальны альянс”, такім чынам адбылася кансалідацыя стасункаў унутрыарганізацыйных, а таксама замацаваліся сяброўскія сувязі з украінскай партнэрскай арганізацыяй.

У часе летніка прайшлі сустрэчы з кіраўнікамі Партыі БНФ, “Нацыянальнага альянсу” і вэтэранамі Украінскай паўстанцкай арміі.

"Мне вельмі падабаецца, што моладзь Беларусі ня сьпіць, не чакае манны зь нябёсаў, а намагаецца, штосьці рабіць на карысьць беларускай нацыі і беларускай незалежнасьці. Робіць усё, каб быць годнымі прадстаўнікамі свайго народу" - зазначыў вэтэран УПА Васіль Кушнір.

У гэтым годзе летнік Моладзі БНФ адбыўся ў чацвёрты раз. Тры апошнія, каб пазьбегнуць перашкодаў, праводзіліся на тэрыторыі Ўкраіны.

Радыё "Рацыя"