Партыя БНФ
Партыя БНФ - партыя абароны народных інтарэсаў
Сойм БНФ прызначыў часова выконваючага абавязкі кіраўніка партыі

Сойм заслухаў інфармацыю пра становішча старшыні Партыі БНФ Рыгора Кастусёва, які быў затрыманы месяц таму і знаходзіцца пад вартай у СІЗА КДБ па абвінавачаньні ў крымінальным злачынстве па арт. 357 “Змова ці іншыя дзеяньні, учыненыя з мэтай захопу дзяржаўнай улады”.

Сярод іншага, у межах гэтага пытаньня сябры Сойму абмеркавалі праблему кіраваньня арганізацыяй у сытуацыі, калі старшыня партыі знаходзіцца пад вартай і аб’ектыўна пазбаўлены магчымасьці ажыцьцяўляць свае кіраўнічыя паўнамоцтвы (падпісаньне дамоваў, адчыненьне рахункаў у банках, рашэньні па іншых пытаньнях аператыўнага кіраваньня бягучай працай Партыі БНФ ды іншае).

З мэтай забесяпчэньня ўстойлівасьці працы партыйнай арганізацыі ва ўмовах, калі старшыня знаходзіцца пад вартай, Сойм, як кіруючы орган Партыі БНФ, які ўпаўнаважаны прымаць рашэньні па ўсіх пытаньнях дзейнасьці партыі ў перыяд паміж скліканьнямі Зьездаў партыі, прыняў рашэньне прызначыць часова выконваючага абавязкі старшыні Партыі БНФ з ліку намесьнікаў старшыні Партыі БНФ.

Сойм Партыі БНФ пастанавіў:

згодна з часткай трэцяй арт. 12 Закона Рэспублікі Беларусь “Аб палітычных партыях” і на падставе пунктаў 5.4., 5.5. і 5.12. Статута Партыі БНФ часова надаць паўнамоцтвы старшыні Партыі БНФ намесніку старшыні Саранчукову Вадзіму Уладзіміравічу і прызначыць яго часова выконваючым абавязкі кіраўніка партыі.

Аналагічнае рашэньне было прынятае і па пытаньні прызначэньня часова выконваючага абавязкі старшыні Грамадскага аб’яднаньня БНФ “Адраджэньне” – гэтыя абавязкі былі таксама ўскладзеныя на намесьніка старшыні аб’яднаньня Вадзіма Саранчукова.

Прымаючы абавязкі па часовым выкананьні функцыяў кіраўніка арганізацыі, намеснік старшыні Вадзім Саранчукоў сказаў:

Вадзім Саранчукоў- Хачу падкрэсліць, што старшынём Партыі БНФ цяпер застаецца Рыгор Кастусёў, і мы спадзяемся, ён хутка будзе на волі і будзе мець магчымасьць вярнуцца да паўнавартаснага выкананьня абавязкаў кіраўніка арганізацыі. Новы старшыня партыі можа быць абраны толькі наступным зьездам партыі. Цяперашняе рашэньне мае выключа тэхнічны характар і скіраванае на забеспячэньне ўстойлівай працы партыі і грамадзкага аб’яднаньня як юрыдычных асобаў. Лічу, што нашай першачарговай задачай на цяперашнім этапе павінна быць захаваньне і ўмацаваньне юрыдычнай устойлівасьці партыі, забесьпячэньне яе працы ў цяперашніх надзвычай неспрыяльных умовах. Мы будзем рабіць усё магчымае, каб старшыня партыі Рыгор Кастусёў ды ўсе зьняволеныя па палітычных матывах былі вызваленыя. Мы будзем прысьпешваць гэты момант усімі сродкамі, якімі валодае палітычная партыя згодна з уласным статутам.

Як паведаміў адказны сакратар Управы БНФ, доступ адваката Рыгора Кастусёва да сваяго падабароннага вельмі абмежаваны, ані паплечнікі па партыі, ані блізкія сваякі не атрымлівалі ад палітзьняволенага лістоў у адказ на лсіты і паштоўкі, якія дасылаліся. Але самі лісты і перадачы ўзятаму пад варту Рыгору Кастусёву даходзяць.

Нягледзячы на неспрыяльныя ўмовы і абмежаваны доступ адваката да Рыгора Кастусёва ў СІЗА, сойм даручыў управе БНФ праінфармаваць старшыню партыі ў зьняволеньні пра працяг партыйнай працы і прынятыя на сёняшнім сойме рашэньні.

Напісаць ліст падтрымкі старшыні партыі ў зьняволеньні можна на гэты адрас: 220050, г. Мінск, Галоўпаштамт, абаненцкая скрыня 8, Кастусёву Рыгору Андрэевічу

Сойм БНФ прызначыў часова выконваючага абавязкі кіраўніка партыі
Сябра Сойму БНФ Віталь Макаранка зьвярнуўся па абарону ва Ўкраіне

Віталь МакаранкаВіталь Макаранка мае від на жыхарства ва Ўкраіне, дзе пражывае ягоная сям’я.

«Від на жыхарства дазваляе знаходзіцца ва Ўкраіне, а статус уцекача абараняе ад выдачы лукашэнкаўскім уладам, якія ўжо мне надалі статус абвінавачанага ў справе пра так званы дзяржаўны пераварот і замах на Лукашэнку, і больш за тое — ужо завочна арыштавалі і паведамілі, што будуць прасіць (Украіну) аб экстрадыцыі. Таму я вырашыў зьвярнуцца па дапамогу да ўкраінскай дзяржавы», — сказаў Радыё Свабода Віталь Макаранка.

Адначасова ён плянуе разам са сваім адвакатам зьвярнуцца да Офісу генэральнага пракурора Ўкраіны, каб, з аднаго боку, паведаміць аб палітычных матывах крымінальнай справы супраць яго ў Беларусі і хадайнічаць аб нявыдачы, а зь іншага — атрымаць інфармацыю пра запыт на экстрадыцыю.

«Справа відавочна палітычная і сфальшаваная. Я нават ня ведаю, што беларускі бок можа напісаць у запыце. Мне цікава было б гэта пачытаць, бо я не рабіў аніякіх дзеяньняў, якія можна характарызаваць як змову ці замах», — дадаў ён.

Віталь Макаранка не выключае, што яго ўключылі ў пералік фігурантаў справы з мэтай раскруціць «украінскі сьлед».

«Цяпер з Украінай такія канфрантацыйныя дачыненьні… І ў сувязі з тым, што я значную частку свайго часу праводзіў ва Ўкраіне, у мяне тут жыве сям’я, напэўна, хацелі раскруціць на ўкраінскі сьлед. Інакш я не разумею, навошта я ім быў патрэбны».

Віталь Макаранка з сумневам ставіцца да прызнаньня віны іншымі фігурантамі гэтай справы. «У вязьніцы КДБ, напэўна, прызнацца можна ў чым заўгодна», — мяркуе ён.

Ён перакананы, што цяперашні КДБ працягвае традыцыі рэпрэсіўных органаў савецкага часу. «У іх жа дагэтуль у кабінэтах вісяць партрэты Дзяржынскага, таму яны свой „радавод“ вядуць ад ЧК, ВЧК і НКВД. Вядома, мэтады за амаль за сто гадоў удасканалілі, але, мяркую, прынцыповай розьніцы няма. Тады людзі прызнавалі, што яны агенты дзесяці выведак і рыхтавалі замахі на таварыша Сталіна і ўсё Палітбюро. Таму, як там зь імі працуюць — мы нічога ня ведаем, фактычна апэруем толькі той інфармацыяй, якую падае дзяржаўны бок, а што там насамрэч адбывалася і адбываецца, мы ня ведаем».

Акрамя Віталя Макаранкі, абвінавачваньні ў змове ці іншых дзеяньнях, учыненых для захопу дзяржаўнай улады (ч.1 арт. 357 КК), выстаўленыя:

  • Аляксандру Фядуту (знаходзіцца ў СІЗА КДБ),
  • Юрыю Зянковічу (знаходзіцца ў СІЗА КДБ),
  • Рыгору Кастусёву (знаходзіцца ў СІЗА КДБ),
  • Вользе Галубовіч (знаходзіцца ў СІЗА КДБ),
  • Дзьмітрыю Шчыгельскаму,
  • Аляксандру Перапечку,
  • Паўлу Кулажанку,
  • Ігару Макару.

6 траўня стала вядома пра затрыманьне 35-гадовага дальнабойшчыка з Нарачы Дзяніса Краўчука — па артыкуле 357 Крымінальнага кодэксу «Змова ці іншыя дзеяньні, зьдзейсьненыя з мэтай захопу дзяржаўнай улады».

КДБ накіраваў запыты аб прававой дапамозе ў ЗША, аналягічныя запыты зьбіраецца адправіць у Літву і Ўкраіну. Камітэт дзяржбясьпекі хоча, каб астатніх абвінавачаных выслалі ў Беларусь. Пракуратура ўжо завочна пастанавіла ўзяць іх пад варту.

Сябра Сойму БНФ Віталь Макаранка зьвярнуўся па абарону ва Ўкраіне
Збор грашовых ахвяраваньняў у падтрымку Сядзібы БНФ

Сядзіба БНФ, адна са старэйшых незалежных пляцовак грамадзкага жыцьця ў Менску, абвяшчае збор грошаў для аплаты арэнды памяшканьня. Штомесяц толькі на аплату арэнды цэнтральнай сядзібы трэба выдаткоўваць больш за паўтары тысячы рублёў, а ўзімку памер аплаты значна павялічваецца за кошт выдаткаў на ацяпленьне. У выпадку ўтварэньня запазычанасьцяў па аплаце ўлады пагражаюць скасаваньнем дамовы арэнды.

Апошнія сем гадоў Сядзіба БНФ размяшчаецца па вуліцы Чарнышэўскага, 3 – сюды яна пераехала пасьля таго, як улады выціснулі партыю з гістарычнага будынку на вуліцы Варвашэні (праспэкт Машэрава). Дамову арэнды скасавалі падчас правядзеньня на Сядзібе маштабнага збору грашовай і рэчавай дапамогі людзям, што былі арыштаваныя на Плошчы-2010: гэта была помста ўладаў за кампанію народнай салідарнасьці – і дзякуючы народнай падтрымцы Сядзіба аднавіла працу на новым адрасе.

Цяпер самой Сядзібе БНФ патрэбная дапамога. У адрозьненьне ад праўладных партыяў, мы не маем ані ільготных ставак арэнды (якія ўлады далі ГА “Белая Русь” і камуністычнай партыі), ані шматмільённых датацыяў з дзяржбюджэту (якія ўлады даюць БРСМ).

Сядзіба БНФ як незалежная пляцоўка існуе выключна дзякуючы ахвяраваньням людзей.

Штогод дзесяткі арганізацыў ладзяць у памяшканьні Сядзібы БНФ культурніцкія, маладзёвыя, дабрачынныя мерапрыемствы – тут адбываюцца канцэрты (у тым ліку гэта пляцоўка для творчых сустрэчаў з музыкамі, якія трапляюць у “чорныя сьпісы”), выставы, дыскусійныя клюбы, прэс-канфэрэнцыі. Пляцоўка адкрытыя не толькі для мерапрыемстваў БНФ: у памяшканьні Сядзібы  адбываліся зьезды і сходы дэмакратычных партыяў і рухаў рознай скіраванасьці.

У часы павелічэньня рэпрэсіяў памяшканьне Сядзібы БНФ застаецца адзіным месцам, дзе незалежная грамадзкасьць можа вольна праводзіць свае імпрэзы.

davБудынак сядзібы БНФ на Чарнышэўскага, 3 цяпер ёсьць адзіным у Менску, дзе лунае нацыянальны бел-чырвона-белы сьцяг. Але без грашовай падтрымкі людзей гэтае месца можа зачыніцца.

Мы заклікаем ўсіх беларусаў дапамагчы грашовымі ахвяраваньнямі на працяг арэнды Сядзібы БНФ і ліквідацыю наяўных запазычанасьцяў па арэндзе памяшканьня.

Пералічаць сродкі для аплаты сядзібы БНФ можа любы грамадзянін Беларусі.

Шчыры дзякуй за Вашыя ахвяраваньні! Жыве Беларусь!

—————————————————————————————————————————

Ахвяраваньні для аплаты Сядзібы БНФ можна зьдзейсьніць адным з трох шляхоў:

1. Ахвяраваньні праз сыстэму “Разлік” (АРІП) / “Расчет” (ЕРИП).

logo-raschetПералічыць грошы праз сыстэму Разлік (АРІП)/“Расчет” (ЕРИП) у любым банку,  праз інтэрнэт-банкінг, мабільны банкінг, інфакіёск, у банкамаце і г.д. Зьдзейсьніць аплату можна з  выкарыстаньнем наяўных ці электронных грошаў, банкаўскіх плацёжных картак.

ахвяраваньні - еріпРэквізіты для пералічэньня ахвяраваньняў можна знайсьці на сайце https://raschet.by/ -  у графе пошуку паслугаў набірайце БНФ, ці код паслугі 4431691

ДЛЯ ПРАВЯДЗЕННЯ ПЛАЦЯЖУ ПРАЗ ЕРИП ТРЭБА:

Выбраць:

•Пункт “Сістэма” Разлік “(АРІП) / “Система “Расчет” (ЕРИП)

• благотворительность, общественные объединения/дабрачыннасць, грамадскія аб’яднанні –

• прочие общественные объединения/іншыя грамадскія аб’днанні

• БНФ “Адраджэньне”

• БНФ “Адраджэньне” – код паслугі 4431691

Для аплаты ўвесьці прозьвішча, імя, імя па бацьку

Праверыць карэктнасьць інфармацыі і зьдзейсьніць плацёж.

Калі Вы ахвяруеце праз касу банка, калі ласка, паведміце касіру аб неабходнасьці правядзеньня плацяжу праз сыстэму “Разьлік” (АРІП) / “Расчет” (ЕРИП).

2. Ахвяраваньні праз банкаўскі рахунак

Ахвяраваньні для аплаты Сядзібы можна пералічаць і наўпрост на рахунак Грамадзкага аб’яднаньня БНФ “Адраджэньне”

Рэквізыты:

ГРАМАДСКАЕ АБ’ЯДНАННЕ БНФ “АДРАДЖЭНЬНЕ”

ААТ “Банк БелВЭБ” г. Мінск Мінскае аддзяленне №2

BIC SWIFT: BELBBY2X

IBAN:  BY70BELB30151001470040226000

УНП: 100052236

У графе “прызначэньне плацяжу” просим пазначыць: “бязвыплатны ўзнос на аплату арэнды памяшканьня”, альбо “дабрачынны ўнёсак”.

 

3. Ахвяраваньні наяўнымі грашыма (у тым ліку ананімна)

Ахвяраваньні на арэнду Сядзібы таксама можна зрабіць наяўнымі грашыма ў сядзібе БНФ (Менск, вул. Чарнышэўскага, 3), у тым ліку ананімна ў скарбонку для ахвяраваньняў на адрас Грамадзкага аб’яднаньня БНФ “Адраджэньне”.

З цэнтральным офісам Партыі БНФ Вы можаце зьвязацца праз электронны адрас Управы БНФ:  uprava@narodny.org альбо праз тэлефон (017) 3645012


Просмотреть увеличенную карту

Па спасылках шукайце кантакты Партыі БНФ у Менску і Менскай вобласьці, а таксама ў Магілёўскай, Гарадзенскай, Віцебскай, Берасьцейскай, Гомельскай абласьцях.

 

Збор грашовых ахвяраваньняў у падтрымку Сядзібы БНФ
Дзяніс Івашын: 50 дзён за кратамі

Дзяніс ІвашынШто адбываецца з перадачамі для журналіста распавядае карэспандэнт Беларускага Радыё Рацыя Сяргей Апановіч:

– Для гарадзенскага журналіста, сябра Беларускай асацыяцыі журналістаў Дзяніса Івашына не прынялі перадачу. Адміністрацыя турмы паведаміла, што журналіст знаходзіцца другі дзень у карцары. Гэта азначае, што за ўвесь тэрмін, пакуль ён будзе ў гэтым больш строгім месцы знаходжання ў гарадзенскай турме, яму нельга будзе перадаваць перадачы і ён не зможа сустрэцца з адвакатам. Па словах жонкі, сёння як раз мінуў 50-ты дзень знаходжання Дзяніса за кратамі. І ёй вельмі шкада, што Дзяніс не зможа адзначыць такое свята як Вялікдзень няхай сабе і ў турме, куды яна збіралася перадаць розныя пасхальныя падарункі.

Дзяніса Івашына затрымалі 12 сакавіка. Да позняй ночы ў кватэры журналіста сілавікі праводзілі ператрус. Таксама ў той вечар вобшук зрабілі дома ў маці Дзяніса, а 15 сакавіка прыйшлі з вобшукам да яго 95-гадовай бабулі.

Дзяніс Івашын займаецца расследаваннямі. У Беларусі супрацоўнічае з “Новым Часам”. Апошні яго матэрыял для “Новага Часу” быў пра тое, як былыя ўкраінскія “беркутаўцы” паспяхова ўладкаваліся на службу ў беларускую міліцыю. Сваякі і калегі мяркуюць, што затрыманне Івашына звязанае менавіта з гэтым. Дзянісу Івашыну прад’яўлена абвінавачанне па арт. 365 Крымінальнага кодэкса — “Умяшанне ў дзейнасць супрацоўнікаў органаў унутраных спраў”.

Месца зняволення: Турма №1

Заява аб прызнанні палітвязнем

Адрас для лістоў падтрымкі: Турма №1. 230023, г. Гродна, вул. Кірова, 1 – Івашыну Дзянісу Яўгенавічу.

Дзяніс Івашын: 50 дзён за кратамі

    Травеньскі Сойм БНФ

    15 траўня пройдзе Сойм Партыі БНФ і Сойм Грамадскага аб'яднання БНФ "Адраджэньне"
    
    

    Сябра Сойму БНФ Віталь Макаранка адмаўляе сваю датычнасьць да “змовы”

    Еўрарадыё звязалася з Віталём Макаранкам. Ён распавёў, як стаў датычны да зум-канферэнцый «змоўшчыкаў» і што думае ...

    Сябра Сойму БНФ Вітольд Ашурак этапаваны ў Шклоў

    Адрас для ліставаньня: 213004, г. Шклоў, вул. 1-ая заводзкая, д. 8, Папраўчая калёнія №17, Ашурак Вітольд ...

    Заява з нагоды 35-годзьдзя Чарнобыльскай катастрофы

    З дня адной з найбольш маштабных радыяцыйных катастрофаў прайшло 35 гадоў, аднак мала што змянілася. Радыёнукліды ...
    СТУЖКА НАВІНАЎ

    Дэмакратычныя аб’яднаньні Беларусі патрабуюць вызваленьня Рыгора Кастусёва

    Кіраўнікі дэмакратычных партыяў і рухаў Беларусі выступілі з супольнай заявай з нагоды затрыманьня старшыні Партыі БНФ Рыгора Кастусёва.

    Улады Менску забаранілі правядзеньне Чарнобыльскага шляху

    Мінгарвыканкам адмовіў арганізатарам у дазволе на правядзеньне ў Менску шэсьця ў памяць ахвяраў аварыі на Чарнобыльскай атамнай электрастанцыі, традыцыйнага «Чарнобыльскага шляху» – паведамляе TUT.BY.

    Як уступіць у шэрагі сябраў Партыі БНФ

    Заява на ўступленьне ў Партыю БНФ падпісваецца ўласнаручна асобай, што жадае далучыцца да шэрагаў Партыі БНФ.

    Намеснік старшыні БНФ Юрась Меляшкевіч: “Рыгор Кастусёў у СІЗА трымаецца бадзёра”

    20 красавіка адвакатка зняволенага кіраўніка Партыі БНФ Рыгора Кастусёва нарэшце патрапіла да сваяго падабароннага. Гэта адбылося ўвечары праз больш чым тыдзень пасля затрымання палітыка, паведаміў у эфіры Беларускага Радыё Рацыя намеснік старшыні партыі Юрась Меляшкевіч.

    Намеснік старшыні БНФ: “Партыя працуе ў прававым полі, нягледзячы на рэпрэсіі”

    Тыдзень за кратамі знаходзіцца старшыня Партыі БНФ Рыгор Кастусёў. Што змянілася за гэты час у працы партыі, распавядае намеснік старшыні партыі Вадзім Саранчукоў.

    Ахвяраваньні для БНФ цяпер можна ўносіць праз сыстэму “Разлік” (ЕРИП)

    Грамадзкае аб’яднаньне БНФ “Адраджэньне” падлучылася да сыстэмы “Разлік” (АРІП) / “Расчет” (ЕРИП), што спрашчае дзеяньні ахвярадаўцаў пры пералічэньні грошаў на падтрымку статутнай дзейнасьці грамадзкага аб’яднаньня.

    Травень 2021
    Пн Аў Сер Чц Пт Сб Ндз
    « Кра    
     12
    3456789
    10111213141516
    17181920212223
    24252627282930
    31  
    © 2011 - 2021 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.