Партыя БНФ
Партыя БНФ - партыя абароны народных інтарэсаў
Вярхоўны суд адхіліў апеляцыйную скаргу Рыгора Кастусёва па справе “аб змове”

Фядута Кастусёў ЗянковічПрызначаны на апеляцыйны працэс суддзя Уладзімір Давыдаў не знайшоў падстаў, каб аблегчыць лёс асуджаных, нават з улікам узросту некаторых і набору хранічных хвароб.

Папярэдняе расследванне і судовае следства цягнуліся 500 дзён, справу  небеспадстаўна называюць адной з самых рэзанансных у гісторыі сучаснай Беларусі.

Рашэнне калегіі Вярхоўнага суда па апеляцыйнай скарзе набыло моц неадкладна з моманту агалошвання.

Нагадаем, што 5 верасня 2022 году суддзя Уладзімір Арэшка прызнаў Рыгора Кастусёва вінаватым і прысудзіў яму 10 гадоў зняволення ў калоніі ва ўмовах узмоцненага рэжыму.  Прысуды, скаргі на якія сёння разглядаліся і якія засталіся ў сіле: Юрась Зянковіч – 11 гадоў калоніі, Аляксандр Фядута – 10 гадоў, Рыгор Кастусёў – 10 гадоў, Дзяніс Краўчук – 2,5 гады. Абаронцы асуджаных прасілі скасаваць ці паслабіць тэрмін, але ўсе скаргі былі адхіленныя. Вольга Галубовіч, якую таксама пакаралі 2,5 гадамі пазбаўлення волі, скаргу ў Вярхоўны суд не падавала.

Гэтае рашэнне апеляцыйнай інстанцыі каментуе намеснік старшыні, а цяпер выканаўца абавязкаў кіраўніка Партыі БНФ Вадзім Саранчукоў, які цяпер знаходзіцца за межамі Беларусі:

– З самага пачатку гэтая справа не ляжыць у прававым полі. Тыя абвінавачванні, якія выстаўлены, яны выдуманыя, не адпавядаюць ні духу права, ні літары закона. Таму ў мяне не было спадзяванняў на тое, што прысуд будзе зменшаны, ці адменены. Яшчэ раз паўтаруся, я не лічу ні Рыгора Кастусёва, ні астатніх вінаватымі па гэтай справе, лічу, што гэта ўсё выдуманая справа, якая не знаходзіцца ў прававым полі.

Па словах Вадзіма Саранчукова, з Рыгорам Катусёвым вельмі кепская камунікацыя:

– На жаль, кантакты вельмі абмежаваныя. Ведаем дакладна, што падаўляючая большасць лістоў да Рыгора не даходзіць. Цяжка сказаць, якія лісты даходзяць з таго боку. Ёсць камунікацыя з сям’ёй, але гэта бадай што адзіны сродак камунікацыі, які на сёння ёсць. Яшчэ раз паўтаруся, на жаль, уся сістэма пабудаваная такім чынам, каб максімальна абмежаваць доступ да інфармацыі як адтуль, так і туды.

Менскі абласны суд разглядаў справу аб «аб змове з мэтай захопу дзяржаўнай улады» з 29 ліпеня. 5 верасьня фігурантам агучылі прысуд.

Зянковіча абвінацілі паводле ч. 1 арт. 357 КК (змова з мэтай захопу дзяржаўнай улады неканстытуцыйным шляхам), ч. 1 арт. 361-1 КК (стварэньне экстрэмісцкага фармаваньня і кіраваньне ім), ч. 3 арт. 361 КК (публічныя заклікі да захопу дзяржаўнай улады), ч. 3 арт. 130 КК (распальваньне сацыяльнай варожасьці).

Фядуту і Кастусёва — паводле ч. 1 арт. 357 КК (змова з мэтай захопу дзяржаўнай улады неканстытуцыйным шляхам).

Галубовіч і Краўчука — паводле ч. 1 арт. 342 КК (актыўны ўдзел у групавых дзеяньнях, якія груба парушаюць грамадзкі парадак).

Справу расьсьледаваў Камітэт дзяржаўнай бясьпекі Беларусі.

Фігурантамі справы зьяўляліся таксама псыхіятар Дзьмітры Шчыгельскі, экс-супрацоўнік спэцпадразьдзяленьня МУС «Алмаз» Ігар Макар, а таксама Аляксандар Перапечка, Павал Кулажанка і Віталь Макаранка, якія пражываюць за мяжой.

Пяцёх абвінавачаных затрымалі ў сярэдзіне красавіка 2021 году. Яны прызнаныя палітвязнямі беларускай правабарончай супольнасцю.

Лукашэнка раней заявіў, што абвінавачаныя ў справе нібыта рыхтавалі замах на яго і ягоных сыноў. Прапагандысты з БТ прыплялі да гэтага і спецслужбы ЗША, грунтуючыся на амерыканскім грамадзянстве Юрася Зянковіча.

Гаворка ідзе пра справу, у якой улады палічылі змовай з мэтай захопу ўлады. Па сутнасці ж, гэта была правакацыя спецслужбаў, у якой псеўда-змоўшчыкі былі пазнаёмленыя з псеўда-генераламі, якія быццам бы здольныя зрабіць псеўда-пераварот. Віна старшыні БНФ Рыгора Кастусёва ўвогуле толькі ў тым, што ён удзельнічаў у публічных зум-канферэнцыях з іншымі удзельнікамі справы. Зразумела, што Кастусёў не прызнаў сваю віну ў змове, якой і не было. ТАпеляцыя не падзейнічала – прысуд пакінуты ў сіле, як стала вядома сёння. Пры гэтым Рыгор Андрэевіч у пісьмовай форме ўжо прасіў пра яго перавод у калонію да разгляду  апеляцыі. Усё ж умовы ў калоніі лепшыя, чым у СІЗА, а пасля затрымання ў спадара Кастусёва выяўленае анкалагічнае захворванне.

 

Вярхоўны суд адхіліў апеляцыйную скаргу Рыгора Кастусёва па справе "аб змове"
“Настойваю на сваёй поўнай невінаватасці” – Рыгор Кастусёў напісаў ліст Лукашэнку

J1Nr4Js9WPQПрыгавораны да 10 гадоў пазбаўлення волі па абвінавачанні ва ўдзеле ў змове лідар партыі БНФ Рыгор Кастусёў напісаў адкрыты ліст Аляксандру Лукашэнку, у якім па-ранейшаму настойвае на сваёй невінаватасці. Таксама зварот быў накіраваны праз адміністрацыю СІЗА ў некаторыя сродкі масавай інфармацыі. Цяпер Кастусёў знаходзіцца ў СІЗА, як і астатнія фігуранты гэтай рэзананснай справы, у чаканні разгляду Вярхоўным судом апеляцыйнай скаргі на вырак.

Паведамляецца, што ў лісце Кастусёў тлумачыць Лукашэнку, як мімаволі аказаўся ўцягнутым у працэс падрыхтоўкі «дзяржаўнага перавароту». «Як старшыня Партыі БНФ я быў запрошаны для ўдзелу ў ЗУМ-канферэнцыях экспертна-аналітычнага характару, дзе павінна было адбыцца абмеркаванне пытання санкцыйнай палітыкі краін Захаду ў дачыненні да Беларусі. Як паслядоўны супернік санкцый супраць нашай краіны, я пагадзіўся ўдзельнічаць, каб данесці сваю пазіцыю», – піша Кастусёў. У распаўсюджаным праз праўладныя СМІ лісце кіраўнік БНФ паведамляе, што толькі пасля арышту даведаўся «пра сапраўдныя намеры іншых удзельнікаў па падрыхтоўцы дзяржперавароту».

«На жаль, мая пазіцыя і аргументы не былі пачутыя як падчас папярэдняга, так і судовага следства. У выніку я атрымаў пакаранне ў выглядзе 10 гадоў пазбаўлення волі. Тым не менш, я настойваю на сваёй поўнай невінаватасці па прадʼяўленым абвінавачанні і ў дадзены момант накіраваў апеляцыйную скаргу ў Вярхоўны суд», – напісаў Кастусёў.

Паводле «Спутника», Кастусёў настойвае на тым, што не ўчыняў злачынствы і хацеў бы працягваць працу «па абароне інтарэсаў беларускага народу, незалежнасці і суверэнітэту Беларусі».

Як раней паведамлялася, на пачатку верасня Менскі абласны суд прыгаварыў Рыгора Кастусёва да 10 гадоў пазбаўлення волі «за змову з мэтай захопу ўлады неканстытуцыйным шляхам». Таксама па «справе аб змове» асудзілі юрыста і сябру БНФ Юрася Зянковіча (11 гадоў калоніі), літаратуразнаўцу і палітолага Аляксандра Фядуту (10 гадоў), працаўніцу офісу Зянковіча і сябру БНФ Вольгу Галубовіч, а таксама  актывіста Дзяніса Краўчука (па 2,5 гады калоніі). Кастусёў адзіны з іх не прызнаў віну.

Папярэдняе расследаванне і судовае следства па справе аб змове доўжылася 500 дзён. Пяцёх абвінавачаных затрымалі ў сярэдзіне красавіка 2021 году, яны за кратамі да суда правялі амаль 17 месяцаў. Праваабаронцы прызналі групу зняволеных палітвязнямі.

З прапагандысцкіх фільмаў, паказаных на дзяржаўным тэлебачанні, вынікае, што за “змоўшчыкамі” працяглы час сачылі спецслужбы, а вайскоўцаў, з якімі яны кантактавалі, ім падставілі.

Разгляд крымінальнай справы ў апеляцыйным парадку, якая раней слухалася ў Менскім абласным судзе па першай інстанцыі, павінны адбыцца напрыканцы лістапада ў Вярхоўным судзе.

"Настойваю на сваёй поўнай невінаватасці" - Рыгор Кастусёў напісаў ліст Лукашэнку
Юрась Меляшкевіч сустракае 40-гадовы юбілей за кратамі

Юрый Меляшкевіч ПадорскЮбілей палітык сустракае за кратамі – ён быў затрыманы ў межах крымінальнай справы па абвінавачванні ў нясплаце падаткаў за дзейнасць маёнтка “Падорск”.

“Юрась знаходзіцца за кратамі з 26 кастрычніка. Калі ласка, падтрымайце яго тэлеграмай ці лістом. Ён будзе вельмі ўдзячны. Лісты ідуць вельмі павольна, але з іншага боку як прыемна атрымліваць віншаванні яшчэ тыдзень ці два” – піша жонка зняволенага.

Адрас для лістоў:

Турма №1, 230023, г. Гродна, вул. Кірава, 1, Меляшкевічу Юрыю Віктаравічу

Таксама прапануем дасылаць палітвязням тэлеграмы. Гэта можна зрабіць на пошце або па нумару тэлефона 166 (толькі з гарадскога) і надыктаваць тэкст. Не забывайце пакідаць сваё імя ў тэксце тэлеграмы.

Таксама можна накіраваць грашовы перавод, які вязень можа скарыстаць каб набыць харчаванне ў у шапіках СІЗА. Магчымы перавод грашовых сродкаў праз інтэрнэт-банкінг і мабільны-банкінг. Выканайце грашовы пераказ (адвольны плацёж) па пазначаных ніжэй рэквізітах і не забудзьцеся ўпісаць цалкам прозвішча, імя і імя па бацьку палітвязня і СІЗА ў прызначэнні плацяжу.

Мелешкевич Юрий Викторович — Тюрьма-1

УНП: 590003691
BIC: BAPBBY2X
IBAN: BY81BAPB36429050005540000000
Код прызначэння плацяжа: 90401

Таксама можна даслаць пасылку ці бандэрольку з рознымі прысмакамі і прыемнымі дробязямі. Гэта вялікая дапамога сем’ям вязняў і добрая падтрымка саміх зняволеных, асабліва ў святы. Калі ласка, не трэба адносіць палітвязням перадачы без узгаднення са сваякамі, бо ў СІЗА ўстаноўлены ліміт на перадачы па вазе – 30 кг на месяц. Пры гэтым пасылкі маюць абмежаванні толькі ад пошты – ў адной пасылцы можна адсылаць рэчаў да 50 кг за раз.  У бандэроль ці пасылку можна пакласці гарэхі, курагу, фінікі, цукаты, цукеркі, зефір, мармелад, пасцілу, халву, шакалад, печыва, сухары, апельсіны, мандарыны, грушы, яблыкі, лімоны, каву любую, чай ліставы, суп, бульбу і макароны, вяленае мяса, каўбасу (сыравяленая, сыравэнджаная), салёнае сала, салёную рыбу, сыр, цыбулю рэпчатую, свежую зеляніну, часнык, агуркі, памідоры, перац, канверты, маркі, аркушы паперы, асадкі, фламастары, алоўкі, сшыткі, цыгарэты, запалкі ды іншае.

Юрась Меляшкевіч сустракае 40-гадовы юбілей за кратамі
Чаму ў Беларусі не ліквідуюць апазыцыйныя партыі?

Віталь Макаранка 2016На думку  Віталя Макаранкі, Лукашэнка не ліквідуе апазіцыйныя партыі, бо пакуль не бачыць у гэтым неабходнасці. Вырашэнне пытання будзе прынятае пазней.

«Альбо ёсць планы на гэтыя партыі — можа, стварэнне хоць якога дэмакратычнага антуражу», — заўважае партыец.

Паводле Віталя Макаранкі, у цяперашняй Беларусі для апазіцыйных партый не прадугледжаная хоць якая роля. Ён канстатуе, што яна і да 2020 года была дэкаратыўнай, а самі партыі былі «палітызаванымі гурткамі па інтарэсах».

«Да 2020 года дазвалялася вылучаць кандыдатаў у выбарчыя камісіі, а таксама кандыдатаў у дэпутаты не праз збіранне подпісаў, а на партыйных з’ездах, і яшчэ была магчымасць вылучэння назіральнікаў. А цяпер і гэтага не будзе», — лічыць Віталь Макаранка.

65-гадовага старшыню партыі БНФ Рыгора Кастусёва пакаралі 10 гадамі калоніі за нібыта «змову з мэтай захопу дзяржаўнай улады неканстытуцыйным шляхам». Прысуд быў агучаны 5 верасня.

Віталь Макаранка кажа, што ў сям’і Кастусёва існуе сваё стаўленне да апублічвання звестак пра яго, і аднапартыйцы з разуменнем ставяцца да такога рашэння.

«Пра лёс Кастусёва ўвесь час нагадваецца на розных сустрэчах, імпрэзах. Ён не забыты», — запэўнівае партыец.

Што да дзейнасці «абезгалоўленай» партыі, то Віталь Макаранка адзначае, што рэгулярна адбываюцца кансультацыі, сустрэчы, нарады. Паводле яго, выканаўца абавязкаў старшыні партыі знаходзіцца ў бяспечным месцы, большасць актыву выехала з Беларусі.

На думку Віталя Макаранкі, самаліквідаванне партыі — гэта дапамога рэжыму. Калі ён гэтага хоча, няхай ліквідуе, кажа партыец.

«Самаліквідаванне будзе праяваю слабасці, маўляў, рэжым настолькі моцны і непераможны, што наважыліся скласці самі лапкі», — даводзіць ён.

На думку Віталя Макаранкі, апазіцыйныя партыі нямала нарабілі памылак, 2020 год падсумаваў іх.

«У 2020 годзе партыі ўжо нічога не маглі зрабіць, бо ўвага была пераключаная на лідараў новай хвалі і адбылася замена апазіцыі — з традыцыйнай беларускай на так званую новую. Тады не варта было зачароўвацца новай хваляй, а спрабаваць гэтымі працэсамі кіраваць, але тое было б безвынікова, бо фокус увагі ўсё адно быў засяроджаны на штабе Ціханоўскай, а старую апазіцыю ніхто не слухаў», — адзначае Макаранка.

Віталь Макаранка кажа, што ў партыі БНФ яе ўдзел у выбарах 2024 года не абмяркоўваўся.

 

 

Чаму ў Беларусі не ліквідуюць апазыцыйныя партыі?

    Вынікі травеньскага Сойму БНФ

    15 траўня 2021 году адбыўся Сойм Партыі БНФ і Сойм Грамадскага аб'яднання БНФ "Адраджэньне"
    
    

    Рыгор Кастусёў даслаў верш з-за кратаў: “Волі сцяг шчэ залунае!”

    Сябра Сойму БНФ Віталь Макаранка падзяліўся вершам, які старшыня партыі напісаў за кратамі:       Валадарка, Валадарка, Колькі ў ...

    Сваякі Багінскай заклікаюць не ўдзельнічаць у аўкцыёне па продажы яе лецішча

    «Мая бабуля мае прынцыповую пазіцыю не плаціць аніякія штрафы. Яна не падпарадкуецца, і вы таксама ...

    Вадзім Саранчукоў: “Партыя БНФ працягвае дзейнасць у неспрыяльных умовах”

    – Партыя працягвае працаваць у прававым полі як зарэгістраваная структура. Тыя працэдуры, якія прадугледжаныя ўнутраным ...
    СТУЖКА НАВІНАЎ

    Як уступіць у шэрагі сябраў Партыі БНФ

    Заява на ўступленьне ў Партыю БНФ падпісваецца ўласнаручна асобай, што жадае далучыцца да шэрагаў Партыі БНФ.

    Намесніку старшыні БНФ Юрасю Меляшкевічу прад’яўленае абвінавачванне

    Намесніку старшыні Партыі БНФ Юрасю Меляшкевічу выстаўленае абвінавачанне ў нявыплаце ў буйным памеры падаткаў і страхавых унёскаў з заробкаў працаўнікоў. Яно звязанае з працай палітыка ў якасці дырэктара прадпрыемства «Маёнтак Падароск».

    Алесь Бяляцкі – пра Дзяды-1988

    30 кастрычніка, 1988 год. Першы за шмат гадоў у Менску масавы мітынг грамадзкасьці, арганізаваны насуперак бальшавіцка-камуністычнаму рэжыму – шэсьце на Дзяды.

    Арышт Юрася Меляшкевіча звязаны з крымінальнай справай маёнтка “Падорск”

    Як паведамляюць гарадзенскія медыі, намеснік старшыні Партыі БНФ Юрась Меляшкевіч затрыманы ў межах крымінальнай справы датычна дзейнасці маёнтка “Падорск”, дзе спадар Меляшкевіч працуе выканаўчым дырэктарам. Агулам затрыманы тры супрацоўнікі ўнітарнага прадпрыемства «Маёнтак Падароск», у сядзібе праведзены ператрус, забраныя камп’ютары і дакументы. Распачалі крымінальную справу.

    Затрыманы намесьнік старшыні Партыі БНФ Юрась Меляшкевіч

    Увечары 26 кастрычніка на Гарадзеншчыне, у Ваўкавыску быў затрыманы намесьнік старшыні Партыі БНФ Юрась Меляшкевіч.

    На магіле пакутніка Вітольда Ашурка з’явіўся помнік

    13 кастрычніка палітвязню Вітольду Ашурку, які летась загінуў у шклоўскай калоніі ў трані, споўнілася б 52 гады.

    Снежань 2022
    Пн Аў Сер Чц Пт Сб Ндз
    « Ліс    
     1234
    567891011
    12131415161718
    19202122232425
    262728293031  
    Навіны Моладзі БНФ
    © 2011 - 2022 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.