Партыя БНФ » Старшыня Віцебскай арганізацыі БНФ застаецца за кратамі ад 25 сакавіка
Партыя БНФ - партыя абароны народных інтарэсаў


Старшыня Віцебскай арганізацыі БНФ застаецца за кратамі ад 25 сакавіка

Дададзена 28.03.2021 12:37:22 | 690 праглядаў

25 сакавіка ў Вцебску былі затрыманыя грамадзяне, якіх абвінавацілі ва ўдзеле ў несанкцыянаваным масавым мерапрыемстве. Сярод затрыманых – старшыня Віцебскай абласной арганізацыі Партыі БНФ Кастусь Смолікаў.

Пра затрыманьне актывіст пасьпеў паведаміць у сацыяльных сетках, размясціўшы выяву ўтрыманьня ў аўтазаку.

Як паведамілі відавочцы, затрыманьні ў Віцебску адбыліся каля помніка князю Альгерду.

Суд над затрыманай на Дзень волі ў Віцебску Крысцінай Юдзінай прайшоў на тэрыторыі ізалятару часовага ўтрымання (ІЧУ). Ёй прысудзілі 25 сутак арышту. Ці адбыліся суды над іншымі віцяблянамі, якіх затрымалі 25 сакавіка, у тым ліку над кіраўніком абласной арганізацыі БНФ Кастусём Смолікавым, пакуль невядома. З пэўнасцю можна сказаць толькі тое, што яны не на волі – паведамляе віцебская філія Праваабарончага цэнтру “Вясна”.

25 сакавіка ў Віцебску быў затрыманы кіраўнік абласной арганізацыі БНФ Кастусь Смолікаў, разам з ім – віцябляне Алесь Вендт і Іван Казлоў. Затрымалі таксама 18-гадовага Руслана Яневіча і 21-гадовую Крысціну Юдзіну. У той жа дзень усіх кінулі ў ІЧУ. Прозвішчы іншых затрыманых высвятляюцца.

Інфармацыі пра тое, за што былі затрыманыя грамадзяне і ў чым іх абвінавачваюць, здабыць не ўдалося.

26 сакавіка, віцебскія журналісты спрабавалі даведацца, калі і дзе адбудуцца суды над затрыманымі, але ні ў водны раённы суд справы віцяблян не паступалі.

Толькі пасля абеду стала вядома пра вынік суду над Крысцінай Юдзінай, які прайшоў у будынку віцебскага СІЗА-2. Як стала вядома, суддзя Вераніка Барысава (суд Першамайскага раёну) на выязным паседжанні пакарала Юдзіну адміністрацыйным арыштам на 25 сутак. Меркавана – за парушэнне парадку арганізацыі або правядзення масавых мерапрыемстваў (арт. 24.23 КаАП).

Ці прайшлі суды над іншымі затрыманымі – невядома.

Чэрвень 2021
Пн Аў Сер Чц Пт Сб Ндз
« Тра    
 123456
78910111213
14151617181920
21222324252627
282930  
Навіны Моладзі БНФ
© 2011 - 2021 ПАРТЫЯ БНФ. Усе правы абароненыя. Перадрукоўка дазваляецца толькі пры выкарыстаньні гіпэрспасылкі на сайт ПАРТЫІ БНФ.